→ كل الوصفات

عشاق الكشري المصري 🍅🍋

#المرور_الثالث

  • كيلو معكرونه نص اسباجتي ونص عقل
  • 1/2 كيلو عدس بجبه
  • 1/2 كيلو رز
  • كيلو طماطم للصلصه
  • 3 بصلات كبار للوجه
  • 1/4 كيلو حمص الشام
  • 6 فصوص ثوم, للصلصه
  • 1/2 كوب زيت
  • ملح حسب الرغبه
  • كمون حسب الرغبه
  1. نجيب 3 بصلات ونقطعهم بقطاعت الشيبسي ونحمره في زيت غزير مع الاهتمام وهو على النار لغايه ما يكون لونه كده نحطه في مصفي وبعد كده على مناديل مطبخ
  2. نأخذ الزيت اللي مطرح البصل نعمل بيه الرز والعدس
  3. نكون نقعين العدس حوالي 3 ساعات ونغسله ونغسل الرز كويس ونصفيهم ونحطهم على بعض في حله واحده ونقلبهم كويس بطريقه الرز العاديه ونحط عليهم من الزيت اللي حمرنا فيه البصل بيخلي الطعم روعه ونظبط الملح ولما يستوي تطفي عليه
  4. نحط حله نسلق فيها المعكرونه وبنحط النوعين مع بعض ولما تستوي نحط عليها شويه زيت مترح تحمير البصل
  5. الصلصة نعمل الطماطم في الخلاط ونحطها على النار مع الثوم المفروم لغايه ما تسبك نحط الملح والكمون حسب الرغبه ولو نتحبو الشطه بيكون احلى واحلي وتغلي كويس بالبهارات ونطفي عليها
  6. حمص الشام قولت الطريقه قبل كده
  7. اول حاجه نحط المعكرونه وبعدين الرز بالعدس وبعدين الصلصة والحمص واخر حاجه البصل المحمر وبالف هنا ملحوظه مهمه الدقه بتاعه الكشري بتوديه حتى تانيه وطعم احلى بكتيررررر
  8. الدقه... حوالي 5 فصوص ثوم مفروم و3 ملاعق كبار خل و3/4 كبايه ماء وكمون وملح حسب الرغبه وتتقلب ويتحط منها على الكشري روووووعه ياريت تجربوه بجد يستاهل التعب واحلي وانضف من بره
عجبتك الوصفة؟
شوف كل وصفاتنا في مكان واحد
كل الوصفات →