→ كل الوصفات
عصير المخيتو من اشهر العصائر المكسيكية ومكلف ماديا جداً في Restaurante حبيت اعمله في البيت بطريقتي ويكون فيه قيمة صحية عالية علشان كدة محطتش سكر لأن المياه الغازية فيها سكر وحطيت عسل ابيض علشان الطعم يتظبط وضفت فواكه للقيمة الصحية والف هنا ،🙋🙋
المقادير
- ¼ كوب مشروب غازي بالليمون انا استخدمت Top
- ¼ كوب مشروب غازي بالبرتقال استخدمت ماكسي
- فرعين نعناع
- ¼ كوب جوز هند
- ¼ كوب عسل نحل
- قطع فراولة متقطعة قطع صغيرة
- ¼ كوب عصير برتقال استخدمت بيتي
طريقة التحضير
- هنحط في أول الكاس ماكسي برتقال والثاني توب بالليمون يفضل نحط نص الكمية لاني حطيت الكمية كلها فاتدلقت واضطربت أشيل منها
- بعد كدة هنعصر نص ليمونة على كل كاس ونضيف ربع كوب عصير برتقال على الماكسي برتقال
- بعد كدة هنحط نص ليمونة في كل كاس ونحط فرع نعناع في كل كاس
- و هتبقي بالشكل ده
- بعد كدة نضيف ربع كباية العسل النحل على الكاسين
- بعد كدة هنضيف لها قطع الفراولة
- و اخيرا نرش جوز هند على الوجه وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد