→ كل الوصفات

عصير للرضع

تعتبر وجبة للرضع لان معدتهم صغيره وهيكون دا بالنسبالهم اكل الوجبه دي ممكن نديها لااطفال من عمر ست شهور لسنه

  • موزه كبيره او اتنين وسط
  • حبتان جوافه بدون بذور
  • اقل من ربع كوب ماء
  • 3 حبات تمر او بلح رطب
  • 0.25 كوب لبن الام او لبن صناعي حسب الطفل ما بياخد
  1. نضرب كل المكونات بالخلاط كويس جدا ما عدا اللبن
  2. نصب الكميه اللي الطفل هياكلها بس والباقي في الثلاجه مينفعش الطفل ياكل من الكميه كلها وبعدين يتحط في الثلاجه بمعني ان المعلقه اللي تدخل فم الطفل وياكل بيها ممنوع تتحط في الاكل اللي هيتشال لان دا بيسبب تلوث عشان كدا نحط علي قده بس ولو احتاج نحطله تاني بس بمعلقه نضيفه مش باللي كل بيها
  3. ناخد الكميه اللي هناكلها للطفل ونخففها باللبن الصناعي يكون معمول طبعا مش بودره او نحط من لبن الام لحد ما نحس انه اتخفف للطفل يقدر ياخده بسهوله
  4. ونقلب بالمعلقه وناكل الطفل
  5. طبعا مش هنحط لبن بردو ع الكميه كلها هنحط علي اللي هيتاكل بس
  6. الاكل بتاع البيبي ممنوع يتحفظ اكتر من 3 ايام في الثلاجه ميتحطش بره
  7. اتمني اكون افدتكم وان شاء الله لو عجبتكم الوصفه دي انزل من العمر دا تاني
عجبتك الوصفة؟
شوف كل وصفاتنا في مكان واحد
كل الوصفات →