→ كل الوصفات
عجينة طرية وتحفة ان شاء الله تجربوها
المقادير
- 1 ك دقيق كل الاغراض
- 2 علبة زبادي
- 1 م ك خميرة
- 1 م ص خل
- 1 م ص محسن خبز بودرة اختياري
- 1 ونصف ملعقة صغيرة ملح
- 2 م ك زيت
- 3 م ص لبن بودرة
- 4 م ك سكر
- 1 ونصف كوب ماء دافىء
طريقة التحضير
- اضع الخميرة مع ملعقة صغيرة سكر مع ربع كوب ماء دافىء ويترك يخمر لاختبار العجينة
- انخل الدقيق واضيف باقي السكر والمحسن والخل والزبادي و الملح ويخلط ثم اضيف الخميرة ويعجن
- انزل بالماء تدريجيا واعجن حتى تكون عجينة طرية (مفتوحة) ثم اخر حاجة انزل بالزيت ويعجن لو في العجان انزل العجينة على الرخامة والمها ثم تختمر في مكان دافىء
- اتركها حتى يتضاعف حجمها
- ابدأ في التشكيل افردها على الرخامة واقطعها بالقطاعة علشان كله يكون بنفس المقاس واخد كل قطعة وادورها بايدى وتوضع في صينية مدهونة وتخمر عملت ١٨ قطعة
- اسخن الفرن كويس قوى وانزل الشبكة قرب البلاطة الدرجة قبل الاخيرة وبعد الخمر ومضاعفة الحجم اسوى بقى
- مش هياخد وقت خالص لو الفرن سخن جداً يعنى اشغل الفرن اول ما اخلص تشكيل على طول واتركه لغاية الحاجة ما تختمر
- بعد التسوية اطلعة على شبكة علشان يتهوى هتلاقيه طرى وجميل وتحفة والله
- ده شكلة من جوه وطرى
- العجينة دى طرية وحلوة جداً وممكن نعمل منها حاجات كتير، ممكن نشكلة فينو او كيزر او نحشية جبنة براميلى بيبقى تحفه. بالف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد