→ كل الوصفات
يمكن عمله بالدقيق العادي ..بس المقدار كوبين رده على كوب دقيق ابيض
المقادير
- 2 كوب دقيق اسمر (بالرده بتاعته)
- 1 كوب رده ناعمه ومنخولة
- معلقه كبيرة ونصف خميرة
- معلقه كبيرة نشا
- معلقه صغيرة خل
- معلقه كبيرة سكر
- رشه ملح
- بيضه بدرجه حرارة الغرفه
- 0.25 كوب زيت أكل
- ماء دافئ للعجن
طريقة التحضير
- نضرب البيت والزيت ومعلقه الخل مع بعض.نضع عليهم الدقيق ونقلب كويس وبعدين نضيف الماء الدافئ لحد ما العجينه تلم بس تبقي طريه وبتلزق حبه. نسيبها تختمر لمده مش اقل من ساعتين
- نرش حبه رده على رخامه او صينيه ونكور العجين لكرات صغيرة على حسب حجم الرغيف اللي تفضليه ونغطيها بفوطه نضيفه ونسيبها ترتاح نصف ساعة
- نبدأ باول كورة عملناها ونفرده رقيق خالص بالرده ونخلص الكميه ونرصها ونغطيها ترتاح نص ساعة كمان. انا برصه فوق بعضه بالشكل ده. لكن لو مش متغلف كويس بالرده هيلزق في بعضه وحصلت معايا مرة 😂 يفضل رصه كل رغيف لوحده
- نسخن طاسه كبيرة غير لاصقه او صينيه ونحط الرغيف على نار هاديه ومش نقلبه الا لما يفك من الطاسه لوحده ونتابع السوا بقي بالنظر كده. انا بدوس عليه فالسوا علشان يطلع ناشف حبه بس مش لدرجه التحميص. ولازم يتغطي كويس وهو سخن وممكن يتحفظ في الفريزر ونطلع منه وقت ما نحب والف هنا
- ملحوظه مهمه : الرده بتلم نمل بطريقه مريبه😂 نضفي مكانك كويس وانتبهي للعيش قبل السوا وبعد السوا احسن يتلم عليه نمل
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد