→ كل الوصفات

عيش صاج بإستخدام عجينة الماء المغلي

تنفع تعملي بيها ساندوتشات شاورما-طعمية-بطاطس تعميلي بيها بيتزا المكسيكي اي حاجة تحبيها تنفع فطار عشاء ان شاء الله هتعجبكم وطري ماشاءالله #الشيف_الذهبي #الخميس #صدقة_جارية

  • 3 اكواب دقيق
  • رشه ملح
  • 1/4 م ص سكر
  • 2 م ك زيت زيتون او اي زيت عادي
  • كوب ماء مغلي قابل للنقصان
  1. هنجيب بولة ونحط ٣ كوبيات دقيق و نحط عليها رشه ملح و ربع ملعقة صغيرة سكر ونقلبهم كويس وبعد كده هنحط عليهم الزيت ونقلب
  2. وبعد كده ننزل الماء المغليه (لازم ماء مغلي ماينفعش تسيبيه يدفى شوية) عليهم بتدريج مع التقليب لحد ما يتشكل كوره من العجين ونقلبهم كده بمعلقه خشب علشان العجينه ساخنه جداً واول لما تهدي ابدا ألم فيها بايدي لحد ماتوصلي لعجينه متماسكة
  3. على رخامه المطبخ نحط شويه دقيق ونحط العجينه ونقعد نفرد من الاطراف و نلم لحد مايكون شكل العجينه حلو وملمومه كويس نروح بقي شيلنها في بوله وفوطه من فوقها ونسيبها ترتاح ١٠ دقائق
  4. وبعد كده نشكل العجينه على هيئة رول كده ونقسمه ل٧ قطع متساويه لو في حاله عايز العيش كبير شويه قسميها ل ٥ قطع وبعد كده تشكلي القطع على شكل كور ونرصها في طبق على جنب وبعد كده نرش شويه دقيق على رخامه و نبدأ نفرد كوره من كور لحد ما اوصل لشكل دائري زي رقاق كده وسمك رقيق
  5. هتشيلي منه اي دقيق زياده وتنزلي بيه على طاسه ساخنه على نار او صينيه كبيره ممسوحه خفيف بالزيت او ممكن من غير زيت كده كده نار عاليه و تبدأي تحطي العيش وتقلبيه كل شويه على كل ناحيه حتى تلاقيه في فقاقيع كده بتطلع ده دليل ان العيش هيطلع حلو وطري و تفضلي تقلبي لحد مايديكي لون ذهبي من ناحيتين
  6. وتشيليه بس لما تشيليه تشيليه ملفوف في فوطه نضيفه علشان يفضل طري و ماينشفش منك
  7. وتكملي باقي كور بس مابين كل عيش وعيش تمسحي طاسه من اي دقيق ينزل فيها كويس لازم تكوني متأكده ان مفيش حاجه قبل ماتنزلي العيش تاني عليها علشان تسويه زي اللي قبله وبألف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →