→ كل الوصفات
طبخه من الاخر طيبه وانصحكم تجربونها ، شغلها وايد بس النتيجه ترضيكم ان شاء الله
المقادير
- 3 كوب عيش (ارز)
- دجاجه ونص مقطعين الى انصاص
- ٢ شده شبنت صغيره
- كوب باجيلا خضره مقطع نصفين
- 1 بصل مقطع هلال
- فص ثوم
- بهارات العيش
- ورق غار
- هيل
- حبه بركه
- دارسين (العدله)
- البودر
- م ص كركم
- م ص كزبره
- نصف م ص كمون
- صلصه البصل مع الزعفران
- حبتين بصل كبار مقطع هلال
- 1/4 كوب زرشك
- كوب ونصف من ماء فوح الدجاج
- مكعب ماجي دجاج
- م ص كركم
- م ص كزبره
- م ص كمون
- فلفل اسود
- زعفران
- هيل بودر
- فوح الدجاج كل شخص على طريقته ونحتفظ بماء الدجاج لكبس العيش
طريقة التحضير
- نفوح الدجاج وبعدين ناخذ الدجاج ونحمشه من الوجه لمده ١٠ دق ونخليه على جنب
- صلصله البصل مع الزعفران : نشوح البصل وتالي نضيف الزيت ونضيف البهارات وبعدين نحط الزرشك نحركه الخليط اشوي وتالي نضيف ماء الدجاج ونخليه يمتزج مع بعض واخر شي الملح ، لما تجهز نخليها على جنب
- العيش : نحط البصل ونحمشه ونضيف الزيت ونحط الشبت والباجيلا ونخليهم يستويون عدل بس لا تحرقونه ، ونضيف البهارات وبعدين نضيف كوب ماء الدجاج ونحمس اشوي وتالي نضيف العيش وبعدين نحط باجي ماء الدجاج ، ونحط الملح لاتنسون ، ولما العيش يشرب الماء (يدش بيوته) هني نشيل العيش كله ونحطه على جنب
- بجدر جديد ونحط زيت ونحط بطاط مقطع طويل سميك ونحط عليه اشويه ماء زعفران ، وبعدين نحط طبقه عيش اشوي ، ونحط نصف الصلصه البصل وبعدين نصف الدجاج بالقاع ونكب عليه باجي الصلصله وبعدين نحط العيش ، ولا تنسون كوب من ماء الزعفران والهيل البودر ولاتنسون بعد الزبده او السمنه فوق العيش ، وتسكرونه عدل لمده ٤٥ الى ٦٠ دق على نار هادئه ، عليكم بالعافيه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد