→ كل الوصفات

غدوه ب 3 قطع بانيه 👌

غدوه ببواقي الكوسه والقرنبيط في منتهي الجمال

  • 5 كوسات صغيره
  • زعتر
  • دقيق
  • لبن
  • ملح فلفل اسود زبده وزيت زعتر مرقه دجاج كمون بصل وتوم بودر رشه جوز الطيب
  • 3 قطع بانيه متقطعين مكعبات
  • 2 فلفل رومي حجم وسط
  • بصله وسط
  • جزر "اختياري"
  • مرقه دجاج ملح كمون توم مفروم كزبره مطحونه عود قرفه 3 قرنفل فلفل اسود ملح كاري رشه من بهارات الكبسه لو متاحه
  • بواقي زهر قرنبيط مسلوق كنت عملت تلت تربعها واتبقي جزء
  1. هنحط 4معالق دقيق في سمنه او زبده وزيت لحد ميبقي لونهم دهبي وننزل باللبن ونقلب ونحط التوابل ونظبط القوام ملحوظه "المقدار دا ل قالب مولتن محطوط فيه كوسه و قالب انجلش كيك محطوط فيه قرنبيط"
  2. الكوسه كان عندي 5كوسات صغيرين في التلاجه طلعتهم غسلتهم ونقشرهم ونقطعها حلقات ونغسلها وطاسه مش بتلزق نشوح الكوسه في معلقه زيت ومكعب زبده وعليها رشه زعتر بعد منشوحها نكون حطين في القالب بعد مندهنه معلقتين بشاميل وننزل بنص الكوسه فيه ونسيب الباقي في بوله تانيه لحد منحط الحشو ونحط فوقه موزريلا ومعلقه بشاميل وباقي الكوسه ونحط بشاميل علي الوش وجبن موزريلا
  3. الحشو في نفس الطاسه بتاعت الكوسه نحط في الكبه بصله وفلفل رومي وجزر اتفرموا مش ناعم ولا خشن اوي وننزل ب البصل وبعده الجزر والفلفل نقلبهم شويه وعليهم التوم والكزبره والبانيه المغسول ومتقطع مكعبات وننزل ب باقي التوابل ولما يستوي نحط معلقتين بشامل عليه ونقلبه وكدا جاهز معانا
  4. القرنبيط كان عندي فايض مسلوق بنقطع القطع اللي تبقي بارزه وبنحطها في القالب بردو بحيث يبقي القالب متساوي مش حته طالعه ونازله ونحط الحشو فوقيها وعليه موزريلا وبشامل ونرص قرنبيط تاني ونحط البشاميل وموزريلا علي الوش وندخلهم الفرن ربع ساعه من تحت ونفتح الشوايه يلونوا وبالف هنا
  5. ملحوظه ممكن تضيفي زيتون مشروم او لحمه مفرومه ممكن الحشو يبقي خضار جزر وبصل وفلفل متشوحين ممكن ميكس جبن -وتقدري تقدمي جنبهم اي حاجه من دول او اكتر من حاجه- رز ابيض سلطه عيش متحمص بالتوم او بطاطس محمره او حتي عيش بس وبالف هنا 🩵
عجبتك الوصفة؟
شوف كل وصفاتنا في مكان واحد
كل الوصفات →