→ كل الوصفات
#المريول_العالمي #صدور_دجاج #ثوم #جبنة_شيدر
المقادير
- 1/2 صدر دجاج
- 3 حبات بطاطا
- ملعقة كبيرة موطارد (خردل)
- علبة ياؤرت طبيعي
- ملعقة صغيرة ملح
- ملعقة صغيرة كركم
- ملعقة كبيرة طماطم مصبرة
- ملعقة صغيرة زنجبيل
- ملعقة صغيرة فلفل اسود
- ملعقة صغيرة كاري دجاج
- ملعقة صغيرة توابل شاورما
- نصف عصير حبة ليمون
- 2م ك زيت
- معدنوس
- جبنة شيدار
- حبة طماطم
طريقة التحضير
- نبدأ بسم الله ونجيب نصف صدر دجاج نقطعو مربعات صغار ثم نحضر الماريناد تاع الشاورما نجيب صحن نحط فيه علبةياوؤت طبيعي وم ص موطارد (خردل) وم ص ملح وفلفل اسود وسنات ثوم مرحيين والزيت وعصير نصف حبة ليمون وتوابل شاورما وكركم وكاري دجاج وكركم وم ك طماطم مصبرة ونخلط الكل مليح ثم نحط كمية من المعدنوس المقطع ونخلط
- بعد ماقطعت صدر دجاج مربعات نضيفلو على التتبيلة ونخلطو مليح ثم نغطيه بورق شفاف وندخلو الثلاجة مدة ساعة
- بعد ذلك نروح نقطع حبات البطاطا الى مربعات ونقليها في الزيت ونحتفط بيها في صحن ونرجع في نفس المقلاة نحط الشاورما تاعي تطيب اي تستوي بعد مارتاحت ساعة كاملة بعد ماقليتها مليح نضيفلها حبة طماطم مقطعة مربعات صغيرة ونخليها تكمل طيابها
- ثم نجيب مول يدخل الفرن ندهنو بالزبدة ونفرغ عليه البطاطا المقلية ثم نحط كمية مليحة من جبن شيدار مبشورة ثم نحط الشاورما بعد ماطابت نسويها مليح فوق البطاطا
- نضيف كمية اخرى من جبنة شيدار نغطي بيها كامل السطح ثم نغطي المول بورق الطهي ثم ورق المنيوم وندخلهت الفرن حتى يذوبلي الجبن تماما ثم نخرج عليها ونخليها تبرد
- فالاخير نزينها بمعدنوس مقطع ونجيب صحن نقدمها فيه جات بزاف بنينة وسهلة التحضير دون كريمة جبن نتمنا تجربوها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد