→ كل الوصفات
غراتان راقي ورائع كفكرة للعزائم او الصيف او رمضان انشاء الله 😍😍😍 جربوه صدقوني راح يعجبكم مع شاورما الدجاج خاصة هذه التوابل أعطاها نكهة رائعة💕💕
المقادير
- شاورما الدجاج
- ملعقة صغيرة توابل الشاورما
- (التوابل موجودة في وصفة سندويشات شاورما الدجاج بالعجينة السائلة)
- 500 غ اسكالوب
- رشة ملح
- ملعقة كبيرة فرينة (طحين او دقيق)
- 3 فصوص ثوم مرحية
- كوب ونصف ماء
- 0.5 ملعقة كبيرة زبدة
- 2 ملاعق كبيرة عصير ليمون
- 2 ملاعق كبيرة زيت زيتون
- 4 حبات بطاطا متوسطة
- 6 ملاعق زبدة بقرة او مرغرين (زبدة) ذائبة
- رشة ملح
- رشة فلفل اسود
طريقة التحضير
- نأخذ أولا قطع الصدر نتبلوهم توابل الشاورما ونزيدو زيت الزيتون ونحطوهم على مقلاة سااااخنة فيها شوي زيت ونحمروهم من الجانبين جيداً
- ونحيوهم جانبا ونقطعوهم الى اطراف صغيرة وفي نفس المقلاة نحطو قطعة الزبدة وكوب ماء وعصير الليمون ونتركه حتى يغلي ونرجعو قطع الدجاج مع ملعقة كبيرة فرينة وملح ونزيدو نصف الكوب ماء و رشة توابل الشاورما ورشة بابريكا ونترك الخليط يغلي ل2د ونحيوه جانبا لازم يكون الدجاج فيه الصوص مثلما هو في الصورة تكون شوي خاثرة
- ومن جهة نقشر البطاطا ونقطعها شرائح رقيييقة جداً بالموس عادي ونحطوهم في الماء لنصف ساعة
- و امبعد نقطروهم جيداً من الماء ونضيف لهم الزبدة الذائبة والملح والفلفل الأسود ونمزج الخليط جيداً مع بعض
- ونأخذ لي مول صغار ندهنوها بالزبدة ونحطو طبقة من الشاورما مع الصوص (الصوص هي للي تساعد البطاطا تطيب اي تستوي وتخلي القرتان طري)ونزيدو عليهم قطع طماطم وقطع فلفل حار او حلو يعطيها رائحة طيبة
- ونزيدو طبقة شرائح البطاطا ونغطي عليهم ورق الطهي وورق الالمنيوم وندخلوهم للفرن ساااخن على درجة متوسطة
- ونخليوهم حتى يطيبو امبعد نحيولهم ورق الطهي ونخليوهم يحمارو من الفوق و نقدموها تجي روووعة ولذيذة وطرية انشالله تعجبكم😙😙😙
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد