→ كل الوصفات
كان عندي فلفل حلو و ملقيتش واش ندير بيه. درتو هاكا جا هايل بنين بزاف ان شاء الله يعجبكم
المقادير
- رطل كبد الدجاج
- 7 فلافل حلو
- حبة طماطم
- بصلة متوسطة
- 3 فصوص ثوم
- حفنة حمص منقوع
- كاس ارز طايب في الماء و الملح
- معدنوس (بقدونس)
- ملعقة كبيرة طماطم مصبرة
- فلفل اسود
- فلفل عكري حار
- كمون
- ملح
- زيت
- جبن طري
- جبن مبشور
طريقة التحضير
- نقطع البصل مكعبات صغار و نقسمها على 2. نقلي النصف مع شوي ثوم و فلفل اسود و كمون و طماطم حب و طماطم مصبرة و حمص و ملح و معدنوس (بقدونس). كي تتقلا مليح نضيف نصف كمية الكبدة مقطعة و نقليها مليح ثم نمرق بشوي ماء و نخليها تطيب اي تستوي. من جهة اخرى نقلي نصف الكبدة الذي بقى في شوي زيت و ملح و فلفل اسود. كي تطيب اي تستوي نضيفلها الأرز و البصل التى تبقى خضر و معدنوس (بقدونس) و جبن طري
- نغسل الفلفل و نحيلو الراس و نحشيه بخليط الارز ثم نقليه في الزيت قيس ما تتنحا القشرة
- كي تطيب اي تستوي المرقة نحطها في صينية و نستف الفلفل المحشي فوقها و ندير فوقو الجبن المبشور و ندخلو للفرن يتحمر و يذوب الجبن
- و الله يجي بزاف بنين ان شاء الله تجربوه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد