→ كل الوصفات

فاصوليا باللحمة المفرومة

Amany Eslam Kitchen وصفة سهلة خالص بس طعمها روعة 👌😉

  • ½ كيلو فاصوليا
  • ¼ كيلو لحمة مفرومة
  • بصلة مبشورة ناعم
  • م ص ثوم مفروم
  • قرن فلفل حار (اختياري)
  • لتر عصير طماطم او حسب الاحتياج
  • 2 م ك صلصة
  • م ص من (فلفل ، بهار لحمة)
  • 2 مكعب ماجي
  • ملح حسب الاحتياج
  1. في حلة اضع م ك سمنة واللحمة المفرومة اشوحها لحد لما تغير لونها بعدين اضيف البصل واشوحها معاها لحد لما تبدأ تدبل ، انزل الثوم والتوابل والماجي واقلب كله مع بعضه ،
  2. انزل الفاصوليا واهدي النار علي الوسط وافضل اشوحها مع اللحمة لحد لما تبدأ تنزل ميتها شوية هي واللحمة لمدة ٥ او ١٠ دقايق كدة ،
  3. بعدين انزل عصير الطماطم والصلصة وقرن الفلفل واسيبها لحد لما الصلصة تتسبك والفاصوليا تستوي وبعدين اظبط الملح وبس كدة ،
  4. قدمتها مع (شوربة لسان عصفور بالبصل) في وصفاتي وارز بالشعيرية وبالف هنا 🙂
  5. ملحوظة : انا هنا مقطعة الفاصوليا صغيرة جدا عشان عندي أطفال 😍 انتي ممكن تقطعيها زي ما تحبي 😋
عجبتك الوصفة؟
شوف كل وصفاتنا في مكان واحد
كل الوصفات →