→ كل الوصفات

فاصوليا باللحمة

حبيت ابدأ اول وصفة في السنة الجديدة بأكل بلدي ، الاكل المصري التقليدي بتاعنا اللي مهما الواحد عمل وصفات كن بلاد مختلفة ، بيرجع يحن برده للأكل الجميل بتاعنا دة ، وصفتي كله في حلة واحدة سهلة وبسيطة .

  • 1/2 لحمة مقطعة صغير
  • مكعبات لية ضاني (اختياري)
  • قرن فلفل حار (اختياري)
  • بصلة
  • 1/2 راس ثوم
  • م ك بهار لحمة
  • م ص فلفل اسود
  • كيلو فاصوليا متفرزنة او فريش
  • لتر عصير طماطم
  • 3 م ك صلصة
  • 2 مكعب ماجي
  • م ك كزبرة ناشفة
  • رشة سكر
  • ملح
  1. في حلة علي النار نزلت (سمنة ، ومكعبات اللية الضاني) شوحتها لحد لما بدأت ريحتها تطلع ، بعدين نزلت (اللحمة) علي طول مع (الحبهان ، الورق اللوري) وفضلت اشوح فيها لحد لما لونها بدأ يتغير ،
  2. بعدين في الكبة فرمت (البصل ، والثوم) ونزلتهم علي اللحمة مع (بهار اللحمة ، فلفل الاسود ، الفلفل الحار) ، وشوحتهم لحد ما بدأوا يدبلوا ، بعدين غمرتهم بالماء وغطيت الحلة وسيبتها لحد ما اللحمة استوت ٣ اربع سوي ،
  3. بعدين نزلت (الفاصوليا ، عصير الطماطم، الصلصة ، الماجي ، كزبرة ناشفة ، سكر) واغطيها واسيبها تستوي علي نار وسط ، بعدين اظبط الملح وبس كدة ،
  4. قدمتها مع ارز بالشعيرية وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →