→ كل الوصفات

فاهيتا الدجاج🍗 ع طريقة الشيفDeziree Nassif 🍗

طريقة جديدة وحلوة بطبق الفاهيتا .. طعم طيب كتير واتمنى تعجبكم متل ما عجبتني .. كل الشكر والتقدير للشيف المبدعة .. 💐

  • 0.5 كيلو صدور دجاج بلا عظم وبلا جلد
  • 1 حبة فليفلة خضرة
  • 1 حبة فليفلة صفراء
  • 2 حبة جزر حجم كبير مقطعة طوليا
  • 1 حبة بصل حجم كبير
  • 3 فصوص توم مهروس
  • 150 غرام ذرة حلوة
  • بهارات الفاهيتا
  • معلقة صغيرة فلفل اسود
  • معلقة صغيرة بابريكا
  • معلقة صغيرة كزبرة يابسة
  • 0.5 معلقة فلفل حار بودرة (اختياري)
  • 0.5 معلقة صغيرة قرفة
  • 0.5 معلقة صغيرة كمون
  • معلقة صغيرة اوريغانو.. رشة ملح ورشة توم بودرةو زنجبيل بودرة
  • 2 معلقة طحين
  • ماجي مدوبة بالماء أو مرق دجاج حسب الرغبة
  1. اول شي منغسل صدر الدجاج ومنضيف عليه ملح وخل وبس نزلت زفرتو منغسلو منيح بالمي ومنقطعو بشكل طولي ومنضيف عليه القليل من بهارات الفاهيتا ومنترك الباقي لبعدين وشوية زيت زيتون ومنقلبن منيح ليمتزج الفروج بالتبلة
  2. منغلفن بالنايلون الشفاف الغذائي وعالبراد مدة ساعة لساعتين حتى ياخد الفروج كل الطعم.. يفضل أن يترك مدة أطول بس انا للعجلة بيكفي هالمدة
  3. بعدا منطالعن وبمقلاة منحط شوية زيت نباتي ومنشوح الفروج لياخد اللون الابيض
  4. وبعدا منشيلو عجنب
  5. بمقلاة نضيفة منحط شوية زيت نباتي ومنقلي شرائح البصل والفليفلة الملونة والجزر ومنقلبن منيح وقبل مايدبلو بشويش منضيف التوم المهروس
  6. ومنقلبن منيح ليدبلو كالشكل وبعدا منطفي عليهن ومنشيلن عجنب
  7. بمقلاة نضيفة منحمص الطحين بشوية زيت نباتي ومنضيف فوقه مي ومكعب ماجي والباقي من بهارات الفاهيتا ومنحرك شوي
  8. بعدا منطب فوقها الخضار والدجاج والذرة الحلوة ومنقلب منيح مدة خمس دقائق بعدا منطفي عليهن
  9. ومنصب بصحون التقديم وتزيين بالاعشاب حسب الرغبة
  10. الى جانب الرز بشعيرية والخضار
  11. او بخبزاو بصمن الفاهيتا مع الكاتشب والمايونيز
  12. بتمنى تعجبكم.. وصحة وهنا.. 💞
عجبتك الوصفة؟
شوف كل وصفاتنا في مكان واحد
كل الوصفات →