→ كل الوصفات
فاهيتا الدجاج بطريقة الشيف العظيمة أم أنس😘🌷 الفاهيتا من الاكلات اللي بحبها كتير .. قدمتها اليوم بطريقة الغاليه ام انس مع بعض الاضافات من عندي وبصراحة الطعم رهيب جداً .. طبعاً انا تعودت كل ما اخد وصفة من ام انس انبهر بالنتيجة وادعيلها الله يجازيها كل خير .. بتمنى تعجبكم ..🌷
المقادير
- كيلو صدور دجاج
- 3 حبات جزر, مقطع طوليا
- 2 حبة بصل, مقطع شرائح
- 1 حبة فليفلة, خضرة
- 1 حبة فليفلة, صفرة
- 1 حبة فليفلة, حمرة
- 0.5 كوب ذرة حلوة, الكمية حسب الرغبة
- 5 فصوص ثوم, مهروسين
- 2 معلقة كبيرة زيت زيتون
- 2 معلقة كبيرة خل
- معلقة صغيرة دبس بندورة
- مكعب ماجي
- معلقة صغيرة ملح
- البهارات
- فلفل اسود
- فلفل ابيض
- فلفل احمر
- زنجبيل, بودرة
- كاري
- كزبرة, يابسة
- هيل, مطحون
- كركم
- لغسل الدجاج
- قليل خل
- ملح
طريقة التحضير
- نغسل صدور الدجاج ومنقطعهن مكعبات, أو طوليا, حسب الرغبة. ونرش ملح وخل عليهن. ومنتركن على جنب عشر دقائق. بعدا منغسلن منيح بالماء
- منجهز البهارات
- بعدا منحط فوق الدجاج الملح والبهارات ودبس البندورة و2 ملعقة الخل وزيت الزيتون و3 فص ثوم مهروس
- نخلط المكونات مع بعضها ونغطيها. وندخلها على البراد مدة ساعتين, او اكثر
- بمقلاة على النار, منقلي البصل والفليفلة والجزر مع بعض, حتى تذبل
- منضيف مكعب ماجي ورشة ملح
- و2 فص ثوم مهروس
- والذرة الحلوة
- منقلبن سوى ومنطفي عليهن
- بعدا منشيلا على جنب
- بنقلي الدجاج على النار بقليل زيت نباتي, حتى تمام الاستواء
- ثم نضيف فوقه الخضار ونحركن مع بعض قليلا. بعدا منطفي عليهن
- ونصب في صحون التقديم
- صحة وهنا. 💞💞
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد