→ كل الوصفات
هالاكلة سهلة و سريييعة نص ساعة طبخ و ربع ساعة تحضير ما بدها وقت ابدا😀 و بتفيد للي بيعملو ريجيم مع تقليل الجبن😋😋
المقادير
- 1 صدر دجاج
- فليفلة خضرا
- ذرة حسب الرغبة و ممكن اضافة الفطر ايضا😍
- بهارات دجاج
- هيل مطحون
- فلفل ابيض
- بودرة ثوم
- بابريكا
- ملح
- ملعقة طعام لبن زبادي
- ملعقة طعام عصير ليمون
- جبن شیدر و جبنة پیتزا(موزاريلا)، ممكن الاكتفاء فقط بجبنة البيتزا
طريقة التحضير
- بسم الله الرحمن الرحيم نبدأ الوصفة على بركة الله.. اول شي منقطع صدر الدجاج لشرائح رفيعة و منحطن بصحن منضيف عليهم رشة من البهارات المذكورة👆 تقريبا نصف ملعقة شاي و ملع حسب الرغبة (ملعقة شاي وحدة تكفي).. منضيف عليهم كمان ملعقة اللبن و ملعقة عصير الليمون و منخلطهم مع بعض بشكل جيد
- بعدين منحط شوي زيت بالطنجرة مقدار ملعقة ملعقتين طعام حسب الرغبة و منخليهم يسخنو شوي و منضيف الدجاج منقليه شوي على نار قوية و منضيف عليهم الذرة ليستوو معهم و منخفف عالوسط و منغطي الطنجرة و منتركهم حوالي ربع ساعة
- و بهالوقت منقطع الفليفلة الخضرا لشرائح كمان و منضيفن عالدجاج و منتركهم كمان تقريبا ربع ساعة ثانية لحد ما تذبل الفليفلة و يستوي الدجاج و ينشف تقريبا و بالاخير قبل ما نطفي النار منضيف شريحة جبن شیدر و منقلبهم سوا و منطفي تحتهم
- و هلأ منبدأ بلف السندويشات.. منحط من خلطة الفاهيتا ومنضيف معها جبنة بيتزا و منلف السندويشة و منحمرها عالسخانة لتتحمر من الطرفين منشيلهن و منقدمهم بالطريقة اللي منرغب فيها😉 و هيك بتكون الاكلة جهزت و يقدم معها كوب لبن😍😋 ممكن تقلو بطاطا و تضيفو للسندويش على حسب رغبتكم.. و الف صحة و هناا🌷
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد