→ كل الوصفات
طريقة عمل فايش صعيدى 🥰😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كوب ك لبن بخيره
- 1/4 كوب حمص سبوع مطحون
- 2 معلقة ك سمسم
- 2 معلقة ك سكر
- 1 كوب ك لبن
- 2 كوب ك دقيق
- معلقة ص خميرة
- 2 معلقة ك سكر
- 2 كيلو دقيق
- محلب مطحون
- 1/2 كيلو لبن بخيرة
- 2 كوب ك سمنة سايحة
- كيس خميرة فورية
- 2 معلقة ك سكرة
- معلقة ص ملح
- كركم
طريقة التحضير
- اول عجينة 2كوب ك لبن مغلى هندوب فيه السكر والسمسم والحمص المطحون ونحطهم فى بطرمان كبير بحيث يبقى نصه ونقفل عليها كويس ونلفها ف فوطة ونسيبها ف مكان دافئ لمده 12ساعة ف الصيف و 24ساعة ف الشتا او لحد ماتلاقيها ملت البطرمان
- تانى عجينة بعد ال 12 ساعة هنفضى البطرومان فى طبق غويط ونحط عليه 2كوب دقيق وكوب لبن سخن مدوبين فيه سكر وخميرة ونقلبهم كويس لحد ماتبقى عجينة سايلة شوية زى بتاعة الزلابية ونسيبها تختمر كمان 12ساعة
- اخر حاجة بئا هننخل الدقيق وعليه المحلب والكركم والملح ونقلبهم كويس بعدين ننزل بالعجينة السابقة و اللبن مضاف ليه الخميرة والسكر ونعجن كويس لحد ماتبقى زى عجينة البيتزا بالشكل ده 👇
- بعدين نضيف السمن السخن ونلم العجين كويس اوى هتبقى بالشكل ده 👇ونسيبها ساعتين تختمر
- هنجيب صنية مدهونة زيت خفيف ونعمل العجين صوابع زى الكفنة ونرصها جنب بعض بالشكل ده 👇ونسيبها تختمر
- هنسويها على اعلى درجة ف الفرن وبعدين نطلعه ونسيبه يبرد ونقطعه ونرصه تانى ف صوانى وندخله الفرن يتحمص ف درجة حرارة 160
- هنطلعه يتهوى وبعدين نشيله ف علبة محكمه الغلق وبالف هنا وشفا ♥❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد