→ كل الوصفات

فتة الشاورما السورى

طريقة عمل فتة الشاورما السورى سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • مكونات الشاورما
  • صدور بانيه مخليه ومتقطعه شرائح صغيرة
  • بصل متقطع حلقات صغيرة
  • معلقه صغيرة ملح
  • معلقه صغيرة فلفل
  • معلقه صغيرة بابريكا
  • معلقه صغيرة كارى او ممكن تستغنى عنها
  • جوز الطيب
  • كوب زبادى
  • مكونات الرز البسمتى
  • 1/2 كيلو رز بسمتى حوالى
  • بصل مفرومه
  • معلقه ص كاتشاب
  • معلقه ص ملح
  • 1/2 معلقه ص فلفل
  • معلقه ص كارى
  • معلقه ص كركم
  • رشة جوز الطيب
  • معلقه ص بابريكا
  • 3 ورق لورى
  • 2 ليمون مجفف
  • عود قرفه
  • مكونات العيش
  • عيش بلدى مقطع مربعات صغيرة
  • زيت غزير
  • مكونات التومية
  • كوب زبادى
  • 3 ملاعق مايونيز
  • 5 فصوص توم
  • 3 ملاعق خل ك
  • ملح
  • فلفل
  1. طريقة الشاورما بضيف كل المكونات السابق ذكرها مع بعض واسيبهم ليله ف التلاجه أو على الأقل ساعتين وبعدين اجيب طاسه فيها مسحه زيت او معلقتين واشوح فيها الفراخ لحد ما تنزل مايتها وتنشف اوطى عليها وافضل اقلبها لحد ماتستوى واقفل وأركنها على جنب مش بتاخد وقت خالص
  2. طريقة الرز البسمتى.. فيه ناس بتنقعه قبليها بساعه الاول انا مش بنقعه وبيطلع تحفه معايا.... الاول هتجيبى حله تحطى فيها معلقه سمنه ومعلقتين زيت وتشوحى فيها البصلايه وبعدين تحطى كل البهارات المكتوبه معاها وتعايرى الرز كل كوبايه رز معاها كوبايه ونص مايه او أقل كمان وتحطى المايه مع البصل والبهارات والبصل وتسبيها تغلى شويه وبعدين تغسلى البصل وتصفيه وتحطيه ع النار يغلى وبعدين تقلبيه بالمعلقه وتطى النار عليه لحد مايستوى
  3. طريقة العيش.... بقطع العيش مربعات متوسطه وبعدين اجيب طاسه غويطه واسخن فيها الزيت واقلى العيش فيها لحد ما لونه يحمر وتحشي أنه بقا مقرمش وتطلعيه على مناديل المطبخ وتركنيه على جنب
  4. طريقة التوميه.... بتجيبى الخلاط تحطى فيه كوب الزبادى والمايونيز والخل والملح والفلفل والثوم وتضربيهم لحد مايدكى القوام اللى انتى عايزاه وتطلعيه تحطيه ف بوله وف التلاجه لحد ماتستخدميه
  5. طريقة التقديم بقا.... بتجيبى طبق التقديم تحطى فيه الأول العيش وفوقيه الرز البسمتى وبعدين الشاورما وبعدين التوميه.... انا بحمر معاه بطاطس أو شيبسى وبالف هنا وشفا مقدما 🥰🥰🥰
عجبتك الوصفة؟
شوف كل وصفاتنا في مكان واحد
كل الوصفات →