→ كل الوصفات

فتة الشاورما السوري 😋💓

فتة الشاورما السوري من أحلى الأكلات المفضلة عندي اول مرة أجربها حبيت طعمها جداً وبئيت أعملها على طول بجد الوصفه حلوة جربيها هتعجبك أوي 👌😍🤗 #أطباق_2020

  • لعمل الشاورما نحتاج
  • 1/2 كيلو لحم شرائح
  • 1 بصلة مبشورة
  • 1/4 كوب خل
  • 1/2 ملعقه صغيرة فلفل اسود
  • 1/2 ملعقة صغيرة ملح
  • 1/2 ملعقة صغيره بهارات لحمة
  • 1/2 ملعقة صغيره قرفة
  • لعمل الرز نحتاج
  • 3 كوب رز
  • 3 كوب ماء
  • 1 بصلة مبشورة
  • 1 ملعقة صغيره كركم
  • 1 مكعب مرقة دجاج
  • 1 ملعقة صغيره ملح
  • تومية عند التقديم
  • عيش محمص
  1. أولا لعمل الشاورما بنجيب طبق غويط ونضع فيه قطع اللحمة الشرائح بنقطع اللحمة الشرائح إلى شرائح رفيعة بالطول وبعد كدة نضع عليها البصلة المبشورة والخل والملح والفلفل والقرفة وبهارات اللحمة ونخلطهم مع بعض ونسبها في التتبيلة حوالي ساعتين او اكتر😍
  2. بنحضر المقلاية بعد كدة ونضعها على النار ونضع فيها حبة زيت ولما تسخن نضع فيها اللحمة ونحمرها كويس وبعد لما تتحمر حوطي عليها بصله مقطعة شرائح وفلفل أخضر شرائح وطماطم شرائح وقلبيهم مع الشاورما وأقفلي النار بعد كدة متخليش البصل والفلفل والطماطم يدبلو 😍
  3. لعمل الرز جيبي حلة وحوطيها على النار وبعد كدة حوطي فيها 3 ملاعق زيت وملعقة زبدة وبعدين ضيفي البصلة المبشور وحمريها شوية وبعدين ضيفي الرز وطبعا الرز مغسول وحوطي الكركم والملح ومكعب المرق وقلبيهم مع بعض كويس وبعدين ضيفي الماء ولما الرز يتشرب الماء هدى النار عليه وسيبية لحد لما يستوي😍
  4. لتقديم الشاورما جيبي طبق التقديم وحوطي الرز ومن فوقية الشاورما وعليها الثومية وحواليها العيش المحمص وأستمتعي بأحلى فتة شاورما بجد حلوة أوي👌 إن شاء الله تعجبك وبالعافية عليكي حبيبتي😘💞🌹
عجبتك الوصفة؟
شوف كل وصفاتنا في مكان واحد
كل الوصفات →