→ كل الوصفات
من عادة أهل العريش يوم الجمعه بعد الصلاة مباشرة بناكل الأكلة العظيمه دي بلمه العيلة والحبايب
المقادير
- 2 ل 3 كيلو فراخ للسلق على حسب كمية الافراد
- 1 بصلة صغيرة مقطعة جوليان (لتشويح الفراخ)
- 2 عود قرفة + ورقتين لورا + رشة جوزة الطيب + 3 حبهان بهارات حب صحيح
- معلقة صغيرة بهارات فراخ طبيعي من العطار + رشة كركم
- 1 بصلة صغيرة + طماطم صغيرة هنسيبهم على جمب هنرميهم في الشوربة عشان تعزز الطعم
- معلقة كبيرة ملح حسب ذوقك
- 2 حبة مستكة
- لتر ونصف مية مغلية لعمل الشوربة
- معلقة سمنة
- 1/4كيلو شعيرية
- 1/2 كيلو رز او كيلو على حسب عدد افرادك
- 1/2 كيلو كبد وقوانص وقلب متنضفين كويس ومقطعين حسب الرغبة وممكن تضيفي قطع من صدر الفراخ مقطع مكعبات مع الخلطه
- 1 بصلة صغيرة مقطعة جوليان
- 2 حبة مستكة
- 1/2 معلقة ص زعفران + كركم
طريقة التحضير
- هنسوي الرز بالطريقة العادية هنسيح حتى سمنه في الحلة ونضيف شوية رز في الاول ياخدوا لون ذهبي وبعدين نضيف الشعيرية تتحمر وتبقي ذهبي هنضيف الرز والمية المغلية ونسيبهم يستوي (في الفتة بالذات لما الشعيرية تكون غالبة بتبقي تحفة تحفة)
- طريقة الشوربة هنسيح حتة سمنه على النار مع حبايتين مستكة والبصلة الجوليان تأخذ لون ذهبي ننزل بالفراخ ونقلبهم لحد مايخدوا صدمه ونضيف الماء المغلية والبهارات والملح والبصلة والطماطماية اللي قولنا عليهم فوق ونسيبهم على النار لحد مايستوا
- طريقة الخلطه في حلة على النار هنحط شوية زيت مع المستكه هننزل بالبصل مش تخليه ياخذ لون يادوب يتشوح ننزل بحلويات الفراخ القمر دي مع عود قرفة وحبهان بردوا ووشوية بهار فراخ وملح وزعفران والكركم (وقبل الغرف والتقديم هتكوني محضرة بقدونس مقطع وفطير سيناوي متحمص في الزيت ومقطع صغير وحمص ومكسرات على حسب الرغبة وهتقلبيهم مع الخلطة قبل التقديم مباشرة) عشان الفطير والمكسرات والبقدونس لو اتحطوا في الاول المكسرات هتبرد معاكي والبقدونس هيغمق والفطير هيطرا
- وهتكوني في منسف (طبق كبير) سيرفيس
- مجهزة فطيرة او ٢ ومقطعاهم صغير وتنزلي عليهم بشوية شوربة وبعدها ننزل بالرز وعلى الوجه ننزل بالخلطة زي حضرتكم شايفين
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد