→ كل الوصفات
وصفة سهلة جدا وطعمها حلو اوووي وهتعجبكم جدا بإذن الله ❤️
المقادير
- 1/2 ك لحمة مفرومة
- بصلة متوسطة مفرومة
- 1/2 حزمة بقدونس مفروم
- م ص قرفة
- م ص بهارات كفته (هتلاقيها ف الوصفات عندي)
- م ص ملح
- م ص حبهان مطحون
- 1/2 م ص فلفل اسود
- او ممكن تستخدمي عجينه كفته بتاعتي العادية اللي انا عملاها عندكم
- 2 م ك زيت زيتون
- بصلة مفرومه
- 3 فصوص ثوم مهروس
- 3 طماطم مقشره ومفرومه
- مكعبات فلفل رومي
- رشة ملح وفلفل اسود
- 1/2 م ص بهارات متنوعة
- 2 م ك صلصة
- 3 علب زبادي
- 4 فصوص توم مهروس
- قرن فلفل اخضر حار او رومي عادي مفروم
- ملح حسب الرغبه
- رشة فلفل اسود
- 1/2 م ص نعناع مجفف
- صنوبر مقلي و بقدونس حسب الرغبة
طريقة التحضير
- قبل اي حاجه حمصي اي عيش مقطع مكعبات او لو مش عايزه ممكن ورق جلاش لو متبقي عندك قطعيه مربع واقليه ف زيت
- بالنسبة للكفته هتخلطي كل مكونات الكفته مع بعضها لحد ماتبقى عجينه ناعمه وشكليها كورات متوسطه الحجم او تاخدي عجينه بتاعتي اللي عملتها ليكم ف تفريزات رمضان وشكليها كور ع طول و اقليها ف زيت لحد ماتكون دهبي و تستوي وطلعيها ع ورق مناديل
- بالنسبة للصلصة: ف طاسه فيها الزيت على نار متوسطةوضيفي البصل والثوم ونقلب لحد ما يدبلوا وبعدين نضيف الطماطم و الفلفل الاخضر و الملح والفلفل الأسود وتوابل متنوعة وصلصه ونقلبهم ونسيبها تتسبك ونقفل عليها ونحتفظ بيها ساخنه
- بالنسبة لخليط زبادي : هنخلط كل مكونات مع بعضها كويس لحد ماتبقى صوص ناعم
- ف طبق تقديم هنحط خبز المحمص و فوقها صلصه وفوقها خليط زبادي وبعدين كفته و زينتها بالصنوبر والبقدونس ونقدمها وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد