→ كل الوصفات

فتة بالخل والتوم 🍛

طريقة عمل فتة بالخل والتوم 🍛 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • رغيف عيش محمص
  • كوباية رز مغسول
  • كوباية عصير طماطم
  • معلقة كبيرة صلصة
  • ½ ك لحمة مسلوقة او بدون
  • شوربة اللحمة
  • 4 معالق توم مفروم
  • ملح وفلفل
  • معلقتين خل
  1. العيش هيدخل الفرن يتحمر ومعاه معلقة سمنة او زبدة ومعلقتين توم
  2. كوب الرز يتفلفل فى معلقة سمنة وننزل عليه الشوربة لحد ماتغطى الرز بمقدار عقلة صوباع وملح وفلفل حسب الرغبة لحد مايتشرب المية ونغطيه ونوطى النار خالص لمدة ٢٠ دقيقة
  3. هنحط شوية زيت فى حلة وننزل عليهم كوباية عصير الطماطم ومعلقة الصلصة ونقلبهم وملح وفلفل حسب الرغبة لحد ماتتسبك يعنى الزيت يطلع على وش الصوص
  4. اللحمة بقى المسلوقة نحط على وشها معلقة سمنة ورشة ملح وفلفل وندخلها الفرن تحت الشواية لحد ماتتحمر
  5. ناخد العيش نسقيه شوربة وننزل عليهم الرز وعليه الصلصة
  6. اهم خطوة اللى هتخلى الريحة تفحفح هنشوح معلقتين التوم فى معلقة سمنة لحد مالونه يبقى دهبى وننزل عليه معلقتين خل وننزله على وش الصلصة ونحط عليهم اللحمة وبالف هنا 😋😋😋
عجبتك الوصفة؟
شوف كل وصفاتنا في مكان واحد
كل الوصفات →