→ كل الوصفات
طريقة عمل فتة بالخل والثوم على الطريقة المصرية سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 كوب ارز مصري
- 0.5 كيلو لحمة
- 0.5 كيلو طماطم معصورة
- 3 فصوص ثوم
- 0.25 كوب خل
- 2 رغيف عيش بلدي
طريقة التحضير
- في حلة على النار فيها مياه بتغلى نضع ورق لورا وحبهان وبصل وطماطم واللحمة ونسيبها تتسلق
- في الوقت دة هنسلق الرز ونقطع العيش مربعات بالمقص ونرشه رشة خفيفة زيت وندخله 10 دقائق يتحمص في الفرن ونتابعه كل شوية
- في طاسة هنحمر فصين الثوم بعد ما نهرسهم في ملعقة سمنة بلدي ياخدوا لون خفيف نحط ربع كباية الخل وعصير الطماطم ونسيبها لغاية ما تتسبك
- نيجى في طبق التقديم بقى نحط العيش المتحمص ونحط عليه ملعقة صلصة ونقلبه وعليهم نص كباية شوربة بس مانبلش العيش كتير عشان مايعجنش
- بعدين نحط طبقة من الرز الابيض المسلوق بعدين الصلصة ونكون حمرنا اللحمة بعد ما اتسلقت ونحطها على وجه الطبق وبالهنا ❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد