→ كل الوصفات

فتة بالخل والثوم

طريقة عمل فتة بالخل والثوم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • قطع لحم
  • بصلة متوسطة
  • ورق لورى
  • حبهان
  • مستكة
  • رشه جوزة الطيب
  • رشة فلفل اسود
  • ملح
  • ماء
  • 3 اكواب ارز
  • 2 معلقة سمن
  • معلقة زيت
  • ملح
  • فلفل اسود
  • ماء
  • 2 عيش بلدي او شامي
  • معلقة سمن
  • 4 ملاعق زيت للتحمير
  • كيلو طماطم
  • ثوم مفروم
  • معلقة ونصف سمن
  • معلقتين خل
  • 1/2 كوب لسان عصفور
  • شوربة اللحم
  • ثوم مفروم
  • 1/4 كوب خل
  • كوب ونصف شوربة
  1. نسخن الماء في حلة طهى اللحم ونضع بالماء البصلة وورق اللورى والمستكة والحبهان حتى الغليان نبدأ بإضافة اللحم بها وبمجرد الغليان بنشيل الريم اللي بيظهر على وجه الشوربة ونحط الفلفل الاسود وجوزة الطيب ونغطي عليها ونخفف النار على درجة متوسطةولما تستوي بنضيف الملح
  2. نعصر الطماطم ونصفيها وفي حلة اخرى نضع السمن ونحمر فيها ثوم مفروم لحد ما يذبل نحط معلقتين خل عليه ثم نضيف عصير الطماطم وبعد ما تستوي نحطلها نص ملعقة ثوم مفروم ثاني
  3. بنحمر ثوم مفروم لحد ميدبل وقرب ميحمر كده بننزل عليه بالخل والشوربة وبنخليه على جنب
  4. بنقطع العيش لقطع مربعة صغيرة ونحمرهم في الزيت والسمن لحد ميتحمصوا ونحطهم على جمب
  5. بنغسل الرز ونصفيه وفي حله بنسخن معلقتين سمن مع ملعقة الزيت ونحط عليهم الرز ونقلبهم مع بعض شوية وبعدين ننزل عليهم بالمياه السخنه ويادوب تغطى الرز بحاجة بسيطة ونحط الملح والفلفل الاسود ونقلب ونغطي عليهم لحد الرز ميبدأ يتشرب المياه نبدأ نخفف النار على الاخر ونسيبه لحد ميستوى
  6. بنحمر لسان العصفور في معلقتين سمن ولما يبدأ يحمر بنحط عليه الشوربة واول ما يغلى نخفف عليه ونغطيه ١٠ دقائق ونقدمه
  7. بنجيب طاسة ونحط زيت وسمن ونحمر فيهم قطع اللحم
  8. بنجيب سرفيس التقديم او الصينية ونحط فيها العيش المحمص وننزل بكمية بسيطة من الشوربة اللي بالخل والثوم بحيث يبقى مقرمش على بسيط او حسب الرغبة ممكن تزودى الشوربة ويبقى طرى خالص ونحط فوقيه الرز ونزينه بالصلصة وانا حمرت شوية ثوم مفرومين وزينت بيهم الوجه وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →