→ كل الوصفات

فتة باللحمة الضاني ، ملوخية ناشفة بالضاني 🐏

فتة اللحمة الضاني من الاكلات اللي بحبها بصراحة ، وبحب اعمل جنمبها ملوخية بالشوربة الضاني وصلصة بالخل والثوم بالشوربة الضاني برده ، يعني كله ضانيوفي ضاني😉 وبالف هنا 🙂 .

  • كيلو لحمة ضاني
  • بصلة بيضة بقشرتها
  • 2 مستكة ، حبهان ، ورق لوري
  • م ص (بهار لحمة ، فلفل اسود)
  • 2 مكعب ماجي
  • ملح حسب الاحتياج
  • 2 الي 3 كوب شوربة ضاني
  • كوب ملوخية ناشفة
  • 1 طماطم مبشورة + نص م ص ثوم مفروم
  • م ك من (ثوم مفروم ، كزبرة ناشفة)
  • 2 م ك سمنة
  • م ص ثوم مفروم
  • ½ م ص (كزبرة ، فلفل ، شطة)
  • مكعب ماجي
  • م ك مليانة صلصة
  • ¼ كوب خل او اكثر حسب الرغبة
  • ½ او كوب شوربة ضاني
  • م ك (ثوم مفروم ، كزبرة ناشفة)
  • ¼ كوب خل او اكثر حسب الرغبة
  • 2 كوب شوربة
  • ارز ابيض
  • عيش شامي مقلي
  1. اولا سلق اللحمة : في حلة اضع (م ك سمنة) وانزل بالبصلة بقشرتها (عشان الطعم يكون اقوي) وانزل معاها المستكة وحبهان والورق اللوري واللحمة اشوحها لحد لما لونها يتغير ، بعدين انزل (الفلفل، البهار) واشوح تاني ، بعدين اغمرها بالماء الساخن واسيبها لحد لما تستوي انزل (الماجي والملح) وبس كدة ،
  2. ثانيا الملوخية : في حلة اضع (الشوربة ، طماطم ، نص م ص ثوم) واسيبها تغلي شوية ، بعدين انزل بالملوخية واحدة واحدة لحد لما اوصل للقوام المظبوط ، في طاسة انزل (سمنة ،ثوم ، كزبرة) واشوحهم من غير ما يغمقوا وانزل بيهم علي الملوخية واقلب وبس كدة ،
  3. ثالثا الصلصة : في طاسة انزل سمنة ومعاها (ثوم ، كزبرة) واقابهم شوية ، بعدين انزل عليهم بالخل ياخد غلوة ، بعدين ان ل الصلصة والشوربة والتوابل واقلب لحد لما يغلوا مع بعض وبس كدة ،
  4. رابعا شوربة الفتة : في حلة اضع سمنة وانزل (بالثوم والكزبرة) واقلب وبعدين (الخل) ياخد غلوة وانزل الشوربة واقابهم مع بعض لحد لما يغلوا وبس كدة ،
  5. اخيرا التقديم : في طبق التقديم احط العيش وانزل عليه بكبشة من شوربة الفتة وبعدين الارز واسيقهم كلهم بباقي شوربة الفتة وبعدين احط اللحمة علي الوجه ورشة فلفل اسود علي الطبق كله وبس كدة بالف هنا 🙂
  6. ملحوظة : ممكن لو عاوزة تحمري اللحمة في السمنة بعد سلقها وترشي عليها رشة ملح وفلفل بس انا معملتش كدة عشان تبقي خفيفة
عجبتك الوصفة؟
شوف كل وصفاتنا في مكان واحد
كل الوصفات →