→ كل الوصفات

فتة باللحمة المحمرة

طريقة عمل فتة باللحمة المحمرة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو لحمة
  • كيلو رز
  • 0.5 كيلو طماطم مضروب في الخلاط(صلصة)
  • ملح..فلفل.. بهارات..رشة جوزة الطيب..ورق لورا.. حبهان
  • بصله صغيرة
  • رأس توم مفرومة كويس جدا
  • كوب سمن(ناخد احتياجنا منه والباقي يرجع مكانه)
  • 3 او4معالق زيت كبار
  • عيش بلدي محمص
  • معلقتين خل كبار
  1. اولا لسلق اللحمة وتحميرها.. نجيب حلة مليانة بس مش للاخر مياة ونحط فيها البصلة الصغيرة والتوابل وورق لورا والحبهان نغسل اللحمة كويس وبعد المياه ماتغلي نحطها تتسلق ونتابعها كويس
  2. بعد تمام النضج نجيب حلة ونحط فيها ملعقة سمن وتقدح وننزل عليها اللحم تتشوح ونرش عليها فلفل اسود وجوزة الطيب وحبهان (نفضي فصوص الحبهان) ونفضل نقلب فيها لغاية لما لونها يتغير وريحتها تظهر نطفي عليها
  3. لعمل الصلصة.. حلة ونحط فيها ملعقة سمن وشوية من التوم نحمره وبعد مايبقي لونه دهبي ننزل عليه بالطماطم المضروبة في الخلاط ونحط فلفل اسود وبهارات ورشة جوزة الطيب وملح ونسيبها تتسبك
  4. لعمل الرز حلة فيها 3 او4معالق الزيت ونكون غاسلين الرز كويس وننزل بيه نحمره في الزيت علشان يبقي مفلفل وبعدين نحط مياة ويتشرب نوطي عليه ونحط ملعقة سمن بعد مايتشرب ونسيبه يستوي
  5. نجيب العيش المحمص ونحط ملعقة سمن ومعلقة توم صغيرة ونشوحه فيها شوية من غير مايتحرق لانه اصلا محمص
  6. نجيب طبق الغرف نحط فيه العيش المحمص ونحط عليه الشوربة السخنة ونشيلها على طول مانستناش عليه علشان يبقي مقرمش وبعدين ننزل بالرز سخن عليه ده بيطريه افضل من الشوربة ونحط الصلصة
  7. وبعدين نحط في طاسة صغيرة معلقتين زيت وطرف ملعقة من السمن ونحط باقي التوم ونحمره يبقي دهبي نطفي عليه ونحط معلقتين الخل الكبار
  8. نحطها على الطبق ونسخن اللحمة ونرصها من فوق بيبقي الشكل النهائي اللي في الصورة
  9. طعمها تحفة جنبها طرشي بلدي وبالهنا والشفا❤
عجبتك الوصفة؟
شوف كل وصفاتنا في مكان واحد
كل الوصفات →