→ كل الوصفات

فتة باللحمة 😍😋

وصفة مصرية اصيلة سهلة وسريعة

  • 2 كوب رز ابيض
  • كمية طماطم
  • 2 فص ثوم
  • ملعقة كبيرة خل
  • ملح وفلفل اسود حسب الرغبة
  • عيش
  • لحمة
  • شوربة لحم
  • زيت
  1. اول حاجة بنسلق اللحمة كويس وبناخد الشورية ونصفيها كويس
  2. بنحضر الرز الابيض بنغسل الرز كويس وبنصفيه وبعدين في حلة على النار بنضيف ملعقة سمنه على حبه زيت وندي للرز تشويحة وبعدين بنزود الرز ماء مغلي لكل كباية رز كباية و ربع ماء وبعدها نستني انا الرز يتشرب الماء وبعدين بنخفف النار ونسيبة يستوي
  3. نحضر صلصة الفته بنخلط طماطم كويس جداً في الخلاط في حلة على النار بنضيف زيت وننزل عليه بالثوم المفروم ولما ياخذ لون ذهبي ننزل عليه بمعلقتين خل وبعدها ننزل بالطماطم ونزبطها بالملح والفلفل
  4. دلوقتي هنعمل العيش بنحمص العيش في الفرن بعدين بنكسره لقطع متوسطة كده وفي طاسة على النار بمعلقة زيت ونطشها بتوم وننزل بالعيش نشوحه وننزل عليهم بمعلقة خل
  5. نحضر الطبق بقى بنجيب صينية او طبق كبير بنفرد العيش وننزل عليه بالشورية ساخنة ونغطيه لحد ما يبقى طري وبعدها ننزل بالرز وبعدها نحط على الوجه حبه صلصة وممكن نرص اللحمة فوق الصينية او في طبق لوحدها متحمرة بقى او مسلوقة حسب الرغبة وبألف هنا وشفا 😋😍❤️
عجبتك الوصفة؟
شوف كل وصفاتنا في مكان واحد
كل الوصفات →