→ كل الوصفات

فتة باللحمة

طريقة عمل فتة باللحمة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو لحم بتلو قطع
  • 1 حبة بصل كبيرة
  • ملح
  • فلفل
  • شطة
  • توابل لحمة
  • حبهان
  • م ص خل
  • كوب و نصف ارز
  • 2 رغيف عيش بلدي محمص
  • 2 م ك صلصة جاهزة
  • م ص ثوم مفروم
  1. اولا نسلق اللحمة : نحط اللحمة في الميا بعد ما تغلي مع البصلة و التوابل ماعدا الملح يتحط اخر ربع ساعه عشان السوا يبقا مظبوط
  2. ثانيا الارز : نغسل الارز كويس ونحط ملعقة زيت في حلة على النار ونحط الارز وماء مغلي نغطي بيه سطح الارز وملعقة صغيرة ملح قلبيه وعلى نار هادية سبيه يستوي
  3. الصلصة : ملعقة سمنة على النار وشوحي الثوم وعليها الصلصة وبق ماء وقلّبي وحطي الخل وشطة حسب الرغبه ورشة ملح
  4. في طبق التقديم قطعي العيش ورسيه طبقة متساوية وبلليه بشوربة اللحمة
  5. حطي فوقيها الارز بعد ما يستوي والصلصة رشيها عليه زي الصورة
  6. رصي قطع اللحم فوقيه وقدمي طبقك بألف هنا
عجبتك الوصفة؟
شوف كل وصفاتنا في مكان واحد
كل الوصفات →