→ كل الوصفات

فتة باللحمه

لذيييييذة 😘

  • لحمه "حسب عدد الأشخاص" انا استخدمت لحمه بعضم
  • بصلة لشوربة اللحمه
  • 10 فصوص ثوم مفروم
  • بهارات
  • فلفل اسود
  • كمون
  • شطه
  • هيل
  • ملح
  • أرز حسب العدد كمان
  • خل
  • عيش اسمر
  • 4 معالق سمنه او زيت
  • صلصة طماطم
  1. نحط اللحمه في حلة ساخنه ونحط عليها فصين توم وبصله وهيل وفلفل اسود وياسلام لو حطيتى عليها طمطماية صغيرة كده ونقاب اللحمه على الوشين وبعد مااتشوحت نحط لها الميه ونفضل نشيل الرغوه بتاعتنا لحد ماتخلص
  2. ناخد شوية ثوم مفرومه نحطهم على ملعقة سمنه على النار ونحط عليهم كمون ونحط على طول صللصة الطاطم وهنسيبها لحد ماتتسبك ونحط لها ملح وشوية شطه وبهارات
  3. نقطع الخبز الأسمر مكعبات وبعدين نحط عليهم ملعقة سمنه ونقلبهم وندخلهم الفرن تحت الشواية لحد مايتحمر
  4. نغسل كمية الرز ال عاايزين نعملها ونصفيها كويس ونشوحهم في شوية زيت او سمنه معلقه كده وبعدين نضيف شوربة اللحمه على الرز بدل الميه ونحط عليه الملح وفلفل اسود حتى يستوى
  5. اخر حاجه بقا الدقه هنحط ملعقة سمنه عليها باقي الثوم المفروم وبهارات ونحط عليهم شوربة ونسيبها تغلى وبعد ماالعيش يتحمر هنحطه في بولة ونحط فوقه الدقه دى لحد مايتشربها خالص ونسيب شوية نبقا نحطهم فوق الفته بعد ماتخلص
  6. كده الاكله خلصت باقي التقديم بس بتحطى الرز وبعدين فوقه العيش المتبل وبعدين بتحطى الصلصة ووفقهم اللحمه ونحط فوقهم الدقه وبالهنا والشفا 😍
  7. لو حابين اللحمه تحمروها خفيف كده بتطلع احلى
عجبتك الوصفة؟
شوف كل وصفاتنا في مكان واحد
كل الوصفات →