→ كل الوصفات
طريقة عمل فتة شاورما اللحمه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 رغيف عيش بلدي
- 3 كوب ارز مغسول ومصفى
- ملعقة سمنه
- ملعقه زيت للارز
- 0.5 كيلو شاورما لحمه
- 3 ثمرات فلفل اخضر مقطع صغير
- رشة فلفل اسمر
- رشة كمون
- رشة ملح
- ملعقه سمنه ملعقه زيت للشاورما
- مقادير الصلصه ودى حسب الرغبه تعمليها او لأ انا مش بعملها صراحه
- 5 ثمرات طماطم معصوره
- رشة ملح وكمون
- معلقه كبيره ثوم مفروم
- ملعقه زيت
- ملعقه معجون صلصة طماطم
طريقة التحضير
- نقطع العيش مثلثات او مكعبات صغيره وفزيت غزير نحطه ونقلبه لحد ما يحمر لونه ونطلعه على مصفاه لتصفيه الزيت عشان يكون مقرمض زى الصوره
- فحله على النار نحط السمنه والزيت واما يسخنو نحط الارز ونقلب كويس مع رشه ملح ونقلب ونحط معيار الارز ونسيبه على نار عاليه واما يغلى نوطى عليه خالص من غير منفتح الغطا
- بعد 5 دقايق من التوطيه على الارز نقلبه ونسيبه كمان 5 دقايق مع التقليب لحد ما يستوى
- فطاسه كبيره مرتفعه نحط السمنه والزيت واما يسخنو نوزع عليها الشاورما ومش نقلب لحد ما نخلص توزيعها كلها واما تطلع دخان نبدأ نقلبها ونحط التوابل ونقلب لحد ما تدبل اللحمه نحط الفلفل ونقلب واما الفلفل يدبل نحط اقل من ربع كوب ماء ونقلب ونغطيها واما تغلى نوطى النار ونسيبها لحد ما تشرب المياه
- لعمل الصلصه نحط الزيت على النار واما يسخن نحط الثوم واما يحمر نحط الطماطم كعصير وكصلصه مع الملح والكمون واما تغلى نوطى لحد ما تتقل
- طريقة التقديم فطبق غويط نوعا ما نحط العيش وعليه الصلصه ثم الارز ثم الشاورما وممكن نحط صلصه تانى قبل الشاورما وبالف هنا للاسف انا عندي بيحبوا كل حاجه لوحدها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد