→ كل الوصفات
طريقة عمل فتة شاورما سورى ♥️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو فراخ متقطعة شاورما
- فلفل اخضر او الوان
- بصلة متوسطة
- ½ كيلو ارز بسمتى
- 2 جزر
- 6 عيش شامى
- تومية
- معلقتين كبار مايونيز
- علبة زبادى
- 2 فص توم
- معلقة خل وليمون
طريقة التحضير
- بعد غسل شرائح الفراخ ونكون ضاربين فى الخلاط بصلة متوسطة معاها علبة زبادى وبهارات فراخ ونص لمونة و معلقة خل وبعد عليها كيس خلطة شاورما اى نوع تحبية نسيب الفراخ فى التتبيلة من ساعة او اكتر زى ما انتى عايزة
- وبعد كدة نجيب طاسة ويكون فيها ربع كوب زيت وبعدين ننزل بالفراخ ونسيبها لحد ما تتشرب مايتها والخلطة تتدخل جواها كويس وتقرب تستوى بعدين ننزل بالفلفل (الوان او اخضر)
- وانتى بتعملى الشاورما بتكونى بتعملى الرز البسمتى بنحط الزيت وعليهم معلقة كركم و معلقة كارى و نص معلقة قرفة و مكعب مرقة ونسيبهم دقيقة وبعدين ننزل بالرز والجزر والفلفل ونسيبهم دقيقتين مع البهارات ونكون مجهزين ماية مغليه وننزل بيها لحد ما المياة تغطى الرز بشوية ونسيبوا يغلى غلوتين ونوطى عليه ونسيبه ربع ساعة لما يستوى
- نيجى للتومية والعيش الشامى المحمص بقى يست الكل للتومية بيكون معانا علبة زبادى اى نوع ويفضل ميكونش بلدى وننزل عليهم ب معلقتين كبار مايونيز ومعلقة خل ورشة ليمون وفصين كبار توم مهروسين وشطتك بقى يست الكل زى ما انتى عايزة وبسيبهم شويه فى التلاجة لحد ما يتمسكوا شوية نيجى للعيش السورة بنجيب عيش شامى ونقطوع مربعات ونقليه فى الزيت شوفتى سهوله كدة معتقدش 😂
- نيجى لتجهيز طبقات فتة الشاورما بنحط طبقة من الرز البسمتى وعليهم طبقة عيش شامى وطبقى رز تانى معلش عارفاكى زهقتى 😂 وعليهم بقى التومية القمر بتاعتنا واخيرا طبقة الشاورما
- واخيرا دى النتيجة فى الاخر مش ونبى تستاهل كل الفرهدة اللى فوق دى😂♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد