→ كل الوصفات
طريقة عمل فتة شاورما سورى سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- رز بسمتى
- 2 صدور فراخ
- 2 رغيف عيش بلدي
- 2 معلقه كبيرة نشا
- معلقه كبيرة خل
- معلقه كبيرة توم
- ملح
- فلفل
- رشة كاري
- رشة كركم
- بصل
- ملعقة فلفل اسود
- حبهان
- عود قرفة خشب
- ليمونة
- 0.25 كوبايه زيت
طريقة التحضير
- اولا الرز: احط في الحله معلقه زبده وبعدين الرز اللى نقعته عشر دقايق وبعدين وشوربه او ماء ومكعبين مرقه وكارى وكركم وقرفة خشب وملح ونسيبه نوطى عليه لغايه ما يستوى
- ثانيًا العيش: باقطعه مربعات بالمقص واحطه في صينية في الفرن متبطنه بورق زبده وعليه رشه زيت زيتون لغايه ما يتحمص
- ثالثاً: الشاورما باقطع الفراخ شرائح رفيعة واتبلها بخل وتوابل شاورما وانزل في طاسه بمعلقه زبدة وانزل عليها الفراخ وبعدين أحط عليه بصل مبشور وشويه ماء صغيرين جدًا واغطى عليها لغايه ما تستوى
- رابعًا:التومية احط النشا مع كوب الا ربع ماء وادوبهم على البارد وبعدين احطهم على النار واقلب واحط معاهم التوم لغايه ما تتقل جدًا واطفى عليه واسيبه يهدى وبعدين في الخلاط انزلهم واعصر ليمونه ومعلقة زبادي واضرب وانزل الزيت شويه شويه لغايه ما تعمل القوام اللى عايزينه... وبالهنا والشفا😋😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد