→ كل الوصفات

فتة شاورما سوري بالفراخ واللحم على الطريقة المصرية

جميلة اوي لو عازمة حد على عشا مثلا سريع وسهل 😋

  • 2 كوب ارز بسمتي
  • مكعبات بصل مقطع
  • مكعبات فلفل اخضر
  • مكعبات فلفل الوان
  • مكعبات طماطم
  • مكعبات فراخ بانيه مقطعة
  • شرايح لحم مقطع
  • عيش مقطع للتحمير
  • تومية
  • كاري
  • كركم
  • بهارات فراخ
  • بهارات لحمة
  • حبهان
  • ورق لوري
  • بودرة ثوم
  • بودرة بصل
  • جوزة الطيب
  • ملح
  • فلفل اسود
  • بصل مقلي بتاع الكشري
  1. اولا الارز : في حلة على النار احط زبدة وزيت واحط بصل واحمرة لحد ما يذبل واحط حبة فلفل اخضر وحبة طماطم واقلبهم وبعدين انزل بالارز عليهم واضيف التوابل ملح فلفل كاري كركم حبها ورق اللوري وبعدين اضيف ٤ كوب ماء واسيب الارز لحد ما يستوي
  2. شاورما الفراخ : في طاسة على النار احط زبدة واشوح الفراخ لحد ما تأخذ اللون الابيض وبعدين احط الفلفل الاخضر والالوان والتوابل (بهارات فراخ ملح فلفل كاري بودرة ثوم بودرة بصل) وقرب لما الفلفل يذبل انزل الطماطم لحد ما كله يستوي
  3. شاورما اللحم : في طاسة على النار اضيف الزبدة واشوح اللحم لحد ما يتشرب دمه وبعدين اضيف البصل والتوابل (بهارات لحمة ملح فلفل رشة جوزة الطيب) واضيف شوية ماء صغيرين واسيبها تستوي كويس خالص عشان ما تشدش فالاكل ولو لسة مستوتش كويس اضيف شوية ماء تاني وهكذا لحد ما تستوي
  4. العيش : اقطع العيش قطع صغيرة واقليه في زيت عزير ساخن وبعدين اتبله بشوية ملح وفلفل
  5. للتقديم : انا جبت صينية بلاستيك كبيرة وبعدين فرشت الارز الاول وعليه صوص تومية (هبقي اوضح طريقة عملها ان شاء الله) وبعدين العيش وبعدين فرشت الشاورما الفراخ في النص وفالاطراف شاورما اللحم وعليهم البصل المقلي (بصل مقطع جوانح ومحطوط فالدقيق ويتقلي في زيت غزير) وتقدم مع بيبسي وبطاطس محمرة وبألف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →