→ كل الوصفات
وصفة حلوة وسهلة وخفيفه وهتعجبكم بإذن الله ❤️ #اطباق_2020 #اكلات_بالارز
المقادير
- 1/2 : 1 ك صدور فراخ
- 1/2 كوب زبادي
- ملح وفلفل اسود حسب الرغبة
- رشة قرفة
- 1/2 م ص بابريكا
- 1/2 م ص شطة (اختياري)
- 1/2 م ص كاري
- 3 م ك خل
- 1/2 م ص بهارات شاورما (هتلاقوها في وصفات عندي)
- 2 م ك زيت
- بصلة كبيرة مقطعة شرائح رفيعة
- شرائح فلفل ألوان (أصفر - أخضر - أحمر) مقطعة
- 2 طماطم شرائح رفيعة منزوعة بذر (اختياري)
- ماء كافي لتغطية الرز
- ملح وفلفل اسود حسب الرغبه
- م ك زيت
- 2 كوب رز
- 2 كوب زبادي
- 1/2 : 1 ملعقة صغيرة نعناع مفروم او مجفف
- 4 فصوص ثوم مهروسين
- م ك زيت زيتون
- ملح وفلفل اسود حسب الرغبه
طريقة التحضير
- بالنسبة للشاورما : نقطع صدور شرايح طولية ونتبلها بالزبادي والبهارات لمدة ليلة كاملة او على الاقل ساعتين
- نجيب طاسة على نار ونحط الزيت ولما يسخن نشوح بصل دقيقتين و ننزل باقي خضار ونقلب حتى تقترب من نضوج
- وبعدين ننزل بالفراخ ونقلب عليها ونسيبها تتشرب تتبيلة مع تقليب كل كام دقيقه ونقفل عليها بعد ماتستوي وتأخذ لون ذهبي شوية
- بالنسبة للرز : نجيب نحط زيت وماء (بس مش كتير علشان نشوف بعد مانحط رز هنحتاج تاني ولا هو مغطيه كويس) و نحط ملح وفلفل ونسيبها تغلي و بعدين نحط رز ونشوف متغطي ولا نحط شوية ماء تغطيه و نسيبه على نار يتشرب وبعدين نخفف عليه و نقلب عليه من حين لآخر لحد ماتستوي ونقفل عليه
- بالنسبة للزبادي :هنخلط كل مكونات مع بعض ونتبلها بالملح والفلفل ونخلطهم كويس
- نجيب طبق تقديم نحط رز وفوقها شاورما فراخ و نزينها بسلطة زبادي و بألف هنا♥️
- تقدري تحمصي خبز عربي او تجيبي رقاق طري و تقليه في زيت او قطعي شريحه عجينه سبموسه مثلثات و تقليه وتزيني بيه الفتة بس انا مكنش عندي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد