→ كل الوصفات

فتة شاورما فظيعه 🥰

#شاورما #فته

  • كوبين رز بسمتي
  • صدور فراخ او بواقي فراخ
  • عيش للتحميص
  • 2 حبات بصل
  • 2 فلفل
  • 2 طماطم
  • 2 حبات جزر مبشور
  • زبيب
  • زبادي
  • اكياس مايونيز جاهزه
  1. طريقه الارز نقطع البصل صغير ونشوحه لحد مايدبل وننزل ب ليمون جاف وورق لورا وقرفة خشب ونعناع وقرنفل ونقلب ونضيف الجزر المبشور والزبيب وننزل بالشوربه والملح لكل كوب رز بسمتي كوبين شوربه لما تغلي نضيف الرز المغسول ولما تنشف الشوربه نهدي يتردد
  2. الشاورما تنفع صدور نيه او بواقي فراخ انا عملت ببواقي فراخ
  3. الطريقه شوحت بصل مع فلفل مع طماطم وحطيت فلفل اسود وكمون وبصل بودر وثوم بودر ومعلقه خل وملح وبابريكا ونحط ورق لورا معاهم ونبقي نشيلهم في الاخر
  4. العيش نقطعه بالتساوي عشان الشكل في الاخر وبعدين نحمره في زيت وحبه سمنه على نار متوسطه او في الفرن وناخد بالنا منه ونقلب كل شويه
  5. الصوص عشان عندي مَش بيحبو التوميه تبقي ظاهره في الاكل حطيت كوب زبادي واكياس مايونيز جاهزه وقلبتهم في بعض بقت نتيجه تحفه جداً وعجبتهم جداً جدااا
  6. وقت التقديم ننزل بالارز في النص وحواليه العيش من الطروف ونحط الشاورما على الارز من فوق وفوقيها الصوص ونحط حبه من الصوص جمبنا على الاكل تحفه تحفه وبالف هنا اكله تستحق التجربه
عجبتك الوصفة؟
شوف كل وصفاتنا في مكان واحد
كل الوصفات →