→ كل الوصفات
#اكلات_بالارز #الشيف_الذهبي #عمايل_ايديا #اكلات_هنيه طعمها حلو اوي وهتعجبكم ان شاء الله جدا
المقادير
- 1/2 ك بفتيك متقطع شرايح طولية
- 1/2 كوب خل
- 1/4 كوب زيت
- م ك مستردة
- م ص بصل بودر
- م ص توم بودر
- م ص بهارات السبع او بهارات الشاورما اي حاجه من دول عندك
- رشه قرفه
- رشه حبهان مطحون
- ملح وفلفل حسب الرغبه
- رشه سكر
- شرائح بصله متوسطه
- 2 طماطم بدون بذر شرائح
- فلفل الالوان اخضر واحمر واصفر شرايح بالطول (1 حبه من كل نوع)
- م ك زيت
- 2 كوب ماء قابل للزيادة
- ملح وفلفل حسب الرغبه
- 2 كوب رز مصري مغسول
طريقة التحضير
- هنتبل اللحمه بالمستردة وملح وفلفل وسكر وبصل بودر وتوم بودر وقرفه وبهارات شاورما او السبع و الخل والحبهان وزيت ونقلبهم كويس ونغطيها بنايلون ونحطها ف تلاجه ع الاقل ٤ ساعات او ليله كامله
- هنسخن طاسه فيها زيت ونشوح اللحمه كويس وبعدين نرفعها ع جنب ونحط بصل وشويه خل ولما يدبل نحط باقي الخضار ونقلب كويس لحد مايطرى شويه ونحط اللحمه ونقلبهم مع بعض كويس وبعدين نسيبها تستوي ممكن نزود ميه كل لما تتشرب لحد مايستوي ونقفل عليها
- ممكن تولعي فحمه ونلفها فويل ونحط فيها رشه زيت ونحطها وسط الطاسه ونغطيها بغطاء علشان تاخد من ريحه الفحم (الخطوه دي اختياري)
- هنعمل الرز بقى هنجيب حله فيها زيت و ميه وملح وفلفل ولما تغلي هنكون بنغسل الرز ونصفيها وبعدين نحطها ف الماء المغليه ولو احتاجت ميه علشان تغطي الرز زودي ونسيبها تتشرب ونوطي عليها ونسيبها تستوي مع تقليب من حين لآخر
- وعند تقديم هنحط الرز وفوقها الشاورما لحمه وتقدري تحطي توميه او سلطه زبادي و عيش الشامي المحمص وبألف هنا♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد