→ كل الوصفات

فتة شاورما

طريقة عمل فتة شاورما سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • للشاورما
  • 1/2 كيلو فراخ بانيه
  • ملعقة فلفل اسود
  • ملعقه صغيره كارى
  • بصله صغيره
  • زيت او سمنه حسب الرغبه
  • ملح حسب الرغبه
  • للارز
  • 2 كوب كبير ارز مصرى او بسمتى
  • ملح حسب الرغبه ، ملعقة كارى صغيره و ملعقة كركم صغيره
  • ملعقة سمنه
  • للعيش
  • 4 ارغفة عيش ابيض شامى
  • ملعقه صغيره زيت
  • للتوميه
  • كوب زبادى
  • ملعقة مايونيز
  • 3 فصوص توم
  • ملح و فلفل اسود
  1. للشاورمه: فى مقلاه نجيب الزيت او السمنه و ننزل البصل بعد تقطيعه
  2. نغسل الفراخ باليمون و الملح و الدقيق جيداً ثم نقطعها شرائح
  3. بعد تشويح البصل ننزل الفراخ و نقلبها و نحط الملح و الفلفل و الكارى و نسيبها تنزل المياه بتعتها و تستوى
  4. الارز: فى حله متوسطه نضع ملعقة السمنه و بعدين ننزل فيها الارز نقلبه و بعدين نحط مياه مغليه و الملح و الكركم و الكارى بعد ما يتشرب الميه نوطى عليه و نسيبه يستوى
  5. ملحوظه: لو الارز المصرى المياه لابد تكون مغطيه الوجه بتاع الارز ، لو البسمتى لازم مياه اكثر
  6. للعيش: نقطع العيش مكعبات و نضعه فى صينية فرن ، ننزل عليه الزيت و نقلبه كويس
  7. نسخن الفرن على درجة حراره ١٨٠ و ندخل صينية العيش الى ان يتحمص
  8. للتوميه :نجيب اناء غويط و نحط فيه المايونيز و الزبادى و التوابل و التوم و نقلبها كويس بعدين نحطها فالتلاجه قبل الاكل بساعه على الاقل
  9. ملحوظه: كل كوب زبادى يتحط عليها ملعقة مايونيز
  10. للتقديم: العيش ثم الارز ثم الفراخ ثم التوميه
  11. و بالهنا :)
عجبتك الوصفة؟
شوف كل وصفاتنا في مكان واحد
كل الوصفات →