→ كل الوصفات
طريقة عمل فتة شاورما °•°•° سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 كيلو بانيه, مقطع شرائح رفيعة
- 2 كوب أرز
- 5 حبة طماطم
- 3 بصلات, حجمهم متوسط
- 3 فصوص ثوم, مهروس
- 1 فلفل ألوان
- نصف كوب ماء
- 3 معالق كبار خل أبيض
- 1 عيش شامي
- قليل زيت
- بهارات دجاج
- كمون
- فلفل أسمر
- كزبرة, ناشفة
- ورق لورا (ورق الغار)
- للتقديم
- قليل تومية
- زعتر
- ملح
- بابريكا
طريقة التحضير
- نقطع العيش مربع بالشكل دا
- ونحمره بالزيت على النار ونحط تحته مناديل عشان الزيت, بالشكل دا
- نقطع البصل شرائح ويذبل في الزيت على النار
- نقطع البانيه شرائح رفيعة ونحطها على البصل ونقلب شويه
- هنقطع الفلفل اللوان ونضيفهم على البانيه ونقلب
- نحط الملح والفلفل الأسمر والكمون والكزبرة والزعتر والبابريكا وبهارات الدجاج
- نحط نصف كوب ماء ونقلب كويس ونغطيها للنضج, بس نسيب فيها شوية صوص
- طريقة الرز الابيض, في حله نحط شويه زيت ونسيبه يسخن على النار
- نحط الرز الأبيض وملح وورق لورا ونغطيه بالمياه ونسيبه على نار عاليه حتى الغليان. وبعدين نهدي النار على الآخر حتى التسوية
- طريقة الصلصة, نجيب عصير 5 طماطم
- نضع الزيت في طاسة على النار ونضيف 3 فصوص ثوم مهروس مع شويه كزبرة ناشفة
- بعد ما الثوم يصفر, نضيف 3 ملاعقكبار خل أبيض ونقلب
- نضيف عصير الطماطم وملح وكمون ونسيبها تستوي ودا شكلها
- نجيب الصلصة وهي ساخنه ونقلبها بالعيش المحمر ونحطها في طبق التقديم, أول طبقة
- ونجيب الرز ونحطها فوق العيش وهو سخن بردو, الطبقة الثانية
- ونجيب آخر حاجة وهي الشاورما وتكون ساخنة وفيها شوية صوص ونحطها فوق الرز عشان الصوص ينزل على الرز
- قبل ما نحط الأكله في طبق التقديم, لازم كله يكون سخن
- وتتقدم مع تومية
- دا شكلها النهائي. ♥
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد