→ كل الوصفات

فتة شيش طاووق

الله بجد على جمال الوصفة دي اللي يمكن الصورة مش موضحاها عشان كنت جعانة ومستعجلة معلش 🙈 بس حقيقي وصفة كل الاطعمة اللي فيها تحفة مع بعض وتتبيلة الشيش طاووق بجد تحفة والله 👌😉

  • 1/2 صدور فراخ او اوراك (الاصح) مقطعة مكعبات
  • (كوب زبادي) او (لبن رايب) او (لبن +2 ملعقة ك خل)
  • م ص ثوم مفروم
  • م ص صلصة
  • م ص من (بهار فراخ ، بابريكا، فلفل ، كزبرة ، بودرة ثوم على بصل)
  • م ص بودرة قشور البرتقال (في بوست سابق) ودي اختياري
  • م ك زعتر
  • 2 مكعب ماجي مذاب في ربع كوب ماء ساخن
  • ملح حسب الاحتياج
  • مكعبات بصل مقطع
  • مكعبات فلفل (احمر ، اصفر ، اخضر) مقطع
  • 1 بطاطس مسلوقة
  • 1/4 كوب لبن + ملعقة كبيرة خل
  • علبة زبادي
  • م ص ثوم مفروم
  • زيت حسب احتياج القوام
  • فلفل اسود
  • ملح حسب الاحتياج
  • 3 كوب ارز
  • 3 كوب ماء
  • م ك سمنة او زبدة
  • م ص (كركم ، فلفل ، كزبرة)
  • م ك كاري
  • 2 مكعب ماجي
  • 2 م ص ملح
  • عيش مقلي عليه رشة (ملح ، فلفل)
  1. اولا الشيش طاووق : في بولة اضع مكونات التتبيلة على بعض وانا هنا استخدمت (٢م ك قشطة + نص كوب لبن + ٢ ملعقة كبيرة خل) وطبعا ممكن تختاري الانسب ليكي وضفت باقي مكونات التتبيلة عادي وخلطهم مع بعض، ونزلت عليهم مكعبات الفراخ والخضار المتقطع وقلبتهم كويس في التتبيلة وبعدين بدأت احطهم في الاسياخ الخشب وسيبتهم في التتبيلة في الثلاجة لتاني يوم ، ممكن انتي طبعاً تسبيهم على الاقل من نص الى ساعة ،، بعدين في طاسة تيفال حطيت سمنة وبدأت اشويهم بس كدة ،،
  2. ثانيا الثومية : في الخلاط اضع مكونات الثومية مع بعض كلها واضربهم ماعدا الزيت ابدا اضيفه بالتدريج لحد لما توصلي للقوام المظبوط وبس كدة ،،
  3. ثالثا الارز : في حلة اضع كل المكونات السابقة على البارد وارفعها على النار واول لما يبدأ الارز يشرب مايته اهدي النار واسيبه يكمل سوا وبس كدة ،،
  4. التقديم : طبق وتحطي فيه الارز الاول بعدين الثومية وممكن العيش وعليهم الشيش طاووق واستمتعي وادعيلي وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →