→ كل الوصفات

فتة عدس بطريقة جديدة ولذيذة بالأرز وصلصة الطماطم

#وصفات_الشتاء #مطبخ_بطوطة

  • 🍁 مقادير العدس
  • ½ كيلو عدس
  • ½ كيلو جزر مقطع مكعبات
  • بصلة كبيرة مقطعة مكعبات
  • طمطماية كبيرة مقطعة مكعبات
  • ثمرة فلفل حار
  • ملح وفلفل اسود حسب الرغبة
  • ملعقة صغيرة من الكمون والكزبرة الجافة
  • حوالى لتر ونصف من المرق أو ميه ومرقة دجاج
  • ملعقتين كبار زيت
  • 🍁 مقادير صلصة الطماطم
  • كيلو طماطم معصورة
  • ملعقة كبيرة معجون طماطم
  • 2 بصلة كبيرة مقطعة مكعبات صغيرة
  • ملح وفلفل اسود حسب الرغبة
  • ملعقة صغيرة سكر
  • ½ ملعقة من الكمون والكزبرة الجافة
  • البابريكا والبهارات
  • 3 ملاعق كبيرة زيت
  • 💥 مقادير الأرز الأبيض
  • كيلو أرز مصري مغسول ومنقوع فى المية عشر دقائق
  • ملعقة كبيرة زبدة+ ملعقتين كبار زيت
  • ملعقة صغيرة زنجبيل مطحون 4 فصوص مستكة
  • ملح وفلفل اسود
  • حوالى 5 أكواب مية ساخنة مكعب مرقة دجاج
  • 6 🍁 أرغفة عيش مقطعين ومحمصين فى ملعقتين كبار زبدة
  1. نجهز أولا العدس. فى إناء على النار نضيف الزيت والبصل ورشة فلفل اسود ونقلب حتى يصبح البصل ذهبى اللون
  2. ثم الفلفل الحار ونقلب دقيقة
  3. ثم الجزر ونقلب دقيقتين ثم الطماطم ونقلب بردوا دقيقتين
  4. ثم نضيف العدس بعد ما نغسله ونقلبه دقيقتين ثم نضيف التوابل ثم الشوربة أو المية ومرقة الدجاج
  5. ثم نهدى النار ونتركه يستوى وأثناء ذلك نجهز صلصة الطماطم
  6. فى إناء على النار نضيف الزيت والبصل ورشة فلفل اسود ونقلب حتى يحمر البصل قليلاً ثم نضيف عصير الطماطم ومعجون الطماطم والسكر ونترك الطماطم تتسبك بس بدون ما تجف فى اخر قبل ما نطفى النار نضيف الملح والتوابل
  7. نجهز الأرز الأبيض. فى إناء على النار فيه الزبدة والزيت والمستكة ولما تسيح الزبدة نضيف الأرز ونقلب ونضيف الملح والزنجبيل ونقلب ثم نضيف الشوربة أو المية والمرقة ونتركه يغلى حتى يتشرب المية بتاعته ونهدى النار ونتركه يستوى عادى
  8. العدس بعد ما يستوى نضربه فى الخلاط أو بالهاند بلندر حتى ينعم تماما ونأخذ من الصلصة ملعقتين كبار ونضيفهم على العدس ونقلب
  9. نجهز سرفيس الفتة أو البيركس للتقديم أولاً نضع العيش وعليه قليل من العدس وقليل من الصلة ونقلبهم مع بعض ثم نضيف الأرز ونساويه كويس ثم نزين وجه الأرز مرة بالعدس ومرة بالصلصة زى كدا👇👇👇👇
  10. ومع التقديم نضع أطباق جانبية من الصلصة والعدس لمن يحب الزيادة
  11. وبألف هنا وشفا إن شاء الله 😘😘😘😘
عجبتك الوصفة؟
شوف كل وصفاتنا في مكان واحد
كل الوصفات →