→ كل الوصفات
فته بطريقه سريعه وسهله وخفيفه مقارنه بالفته المصريه المعتادة يارب تعجبكم♥️#الشيف_الذهبي #عمايل_ايديا #اكلات_بالارز #اكله_هنيه
المقادير
- 2 كوب رز
- 1/2 كيلو صدور فراخ مقطعه مكعبات ومتبله بالملح والفلفل
- عيش شامي مقطع مربعات او مثلثات بس يفضل مربعات
- علبه زبادي
- م ك مايونيز
- م ص طحينه
- م ص توم مفروم
- م ص خل
- مكعب مرقه دجاج
- 1/2 كوب بقدونس وكزبره مفرومين
- م ص ملح للصوص اما بالنسبه للرز 1 ونص م ص ملح
- م ص فلفل
- م ك زيت
طريقة التحضير
- بالنسبة للرز هتجيبي حله وتحطي فيه زيت وميه ملح وفلفل وهتسيبها تغلي تكوني غسلتي الرز مجرد ماتغلي هتضيفي الرز وتسيبها تتشرب بعد كده هتوطي عليه ونسيبه يستوي مع تقليب من حين لاخر
- بالنسبه للفراخ نجيب طاسه فيها زيت هنشوح التوم والبقدونس والكزبره لحد مايدبلوا شويه وبعدين نحط قطع الفراخ ونقلب كويس ونحط مكعب ماجي بس يفضل تفتتيه شويه علشان يدوب بسرعه وتفضلي تقلبي لحد ما الفراخ تستوي ونقفل عليها
- بالنسبه للصوص وهو شبيه جدا لسلطه الزبادي هو بوله هتحطي فيها مايونيز و زبادي وطحينه و توم مهروس وملح وفلفل ونقلبهم كويس
- بالنسبه للعيش الشامي هتقليه ف زيت لحد ما يكون دهبي بس
- ولما تقدمي طبق هتحطي رز وفوقه الفراخ وحواليهم العيش والصوص هيتصب فوقهم عادي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد