→ كل الوصفات
طريقة عمل فتة لبناني سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 رغيف عيش شامي حجم كبير
- 1/4 كيلو صدور فراخ بانيه
- 2 بصلة كبيرة او 3 وسط
- ملح وفلفل اسود حسب الرغبة
- م ص بهارات
- ملعقة ثوم مفروم
- خل
- 2 علبة زبادي
- 1/2 بطرمان مايونيز
طريقة التحضير
- نضرب البصل في الكبة وننعمه وكل ما تزودي كميه البصل افضل ، نقطع صدور الفراخ مكعبات
- في طاسة على النار هنحط سمنه او زيت حسب الرغبة وننزل بالبصل المفروم ونقلب لما يدبل ولونه يفتح نضيف الفراخ المقطعه ومعها الفلفل والبهارات والملح ونقلب كل شوية لحد ما الفراخ تستوي
- نقطع العيش مربعات ونقليه في زيت غزير (زي البطاطس)
- نشوح الثوم في سمنه او زيت وننزل عليه بالخل
- نضيف المايونيز للزبادي ونخلطهم كويس
- نبدأ في عمل طبقات الفته. اولا العيش وبعدين نسقيه بالخل والثوم وبعدين نفرد عليه الفراخ بالبصل واخر حاجة صوص الزبادي بالمايونيز. وممكن نزينها باللوز او المكسرات لو حابين. وصفة سهلة جدا وبتتحضر بسرعة. بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد