→ كل الوصفات

فتة لحمة

طريقة عمل فتة لحمة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو لحمة ويفصل تكون من الموزة او ضاني
  • عيش بلدي
  • ٣ كبايات رز
  • ٢ كوبايه شوربه
  • كبايه ماء
  • ملح
  • ربع كوب خل
  • ثوم
  • ٢ كوب عصير طماطم
  • معلقتين صلصه
  • كبايه ماء صغيرة
  • سمنة فلاحي
  • زيت حسب الرغبة
  • معلقتان فلفل أسود وملح
  • ملعقة سكر
  • ورق لورا وحبهان ومستكه
  • بيضة
  • معلقة ثوم وبصل بودرة
  • كزبرة ناشفة
  1. اول حاجة هنسلق اللحمة و نحط بصلتين في ماء و نشيل الريم و بعد ما نشيل الريم هنحط الفلفل و اللورا و الحبهان و المستكه و نحط الملح قبل ما نطفي بربع ساعة عشان ميأخرش سوي اللحمة
  2. هنحضر الصلصة هنجيب طماطم و معلقتين صلصة و كبايه ماء صغيرة و نضربهم في الخلاط و بعدين في حلة هنحط ملعقة سمنة ومعلقتين زيت و ننزل بالثوم لحد ما يصفر و بعد كده ننزل بربع كبايه خل و قبل ما نحط الطماطم هتاخد معلقتين من الدقه دي هتحتاجها بعدين و بعدين عصير الطماطم و ملح و الفلفل و سكر عشان الحموضة و نسبها تتسبك لو طلعت تقيله نزودها بشربه اللحمة
  3. العيش البلدي هنقصه بالمقص و نتبله في صينيه ب ثوم و زيت و ملح و فلفل و بصل و ثوم بودر و كزبرة ناشفة بشكل ده و هندخله الفرن يتحمص فيه
  4. اللحمة هنطلعها في طبق و ندهنا سمنة و ملح و فلفل و ملعقة صلصة و ملعقة من الدقه الى شيلنها و على ورق زبده في صينيه و هندخلها الفرن تتحمر فيه
  5. الرز بعد ما بنغسله و نصفيه كويس هنجيب حله فيها ملعقة سمنه و ملعقة زيت و هننزل بالرز فيهم لحد ما كله يشرب الزيت كويس و بعد كده لو مثلا عامله ٣ كبايات رز يبقى قصادهم ٢ كوب شوربه و ١ كبايه ماء و الملح و نسبه يستوي
  6. بنسبة للترتيب لو بتحب العيش مقرمش يبقى نحطه فوق الرز بعد ما نشرب الرز بالشوربة اللحمة و الى بيحبه مش مقرمش هنحط العيش الأول و بعدين الرز و نشربهم مع بعض و نحط اللحمة فوقيهم و بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →