→ كل الوصفات

فتة مصري باللحم والخل والثوم

#بوفيه_الصيف☀️ طبق رئيسي فته مصريه بالخل والتوم

  • كوب ارز ابيض مصري مستوي
  • 2 رغيف عيش ناشف مكسر قطع
  • 8 فصوص توم شرائح ﴿لطاشه الفته﴾. و 3 فصوص توم مفرومين لتشوحهم مع العيش
  • 2 معلقه خل كبار
  • التوابل معلقه صغيره البهارات ملح
  • 2 كوب شوربه لحم مجهزه من قبل ومتباله كنت عاملها الوصفه قبل ذلك👇👇👇الرابط تحت👇👇👇
  • 1/2 كيلو لحم مستوى
  • 1/2 معلقه صغيره كوزبره ناشفه
  • عصير 3 طماطم مضروبة في الخلاط ومعلقه صلصه تقدري تستغني عنها لوشابفه الطماطم حمرا لكن الخطوات بين الطريقتين زي بعض الاختلاف بس في الخطوة الأخيرة الأولي مفهاش طماطم بنعمل طاشه بتوم والخل
  1. بسم الله الرحمن الرحيم #الطريقه _الاولي للفته نجيب صنيه انا استخدمت صنيه مدوره تيقال صغيره تكفي 3افراد ونضع فيها العيش الناشف المكسر وقطعه زبده ونشوحه العيش مع الزبده و3فصوص توم مفرومين وملح وفلفل ونشوحه حياخد العيش من طعم التوابل والتوم والزبده بس علي نار هادئة علشان ميتحرقش ثم نطفي النار ونضع معلقتين كبار شوربه علي العيش بعد ماحمصنه في التوم والزبده ونقلب ثم نضع الارز المستوي بحيث ياخد شكل دائرة طبقه بعد العيش المكسر
  2. ثم نضع معلقتين أو 3 كبار مرشوشين شوربه علي الارز زي ماتحبي ثم نحضر طاسه صغيره علشان نعمل. طاشه الفته بالتوم ونضع معلقه زبده او سمنه بلدي ونشوح التوم الشرائح اول مالونه يصبح دهبي وخدي بالك مش عاوزينه غامق نحضر نصف كوب ماء ومعاهم معلقة خل وشويه ملح وقلبناهم ننزل بيهم بسرعه علي الطاسه خليكي محضرهم في الاول علشان التوم مش بياخد وقت عقبال ما لونه بيبقاه دهبي ثم يدوبك تغلي نطفي النار ونضع الطاشه الفته عليها مرشوشه في كل جوانب الصنيه ونكون حطين اللحم في الصينيه و. علي الوش رشه خفيفه فلفل اسمر
  3. #الطريقه_التانيه سخني الثوم في إناء على النار حتى يصبح أصفر اللون. أضيفي ملعقة من الكزبرة الناشفة وقلبي أضيفي الخل وعصير الطماطم ومعلقه صلصه والملح والفلفل الأسود واتركي المزيج حتى يغلي لمده 8دقايق علي نار متوسطه وخدي بالك تكون تقيله شويه ثم انزلي بعد ذلك علي صنيه الفته اللي فيها الاول العيش متحمص متبل بالتوم وبعدين حطينا 2معلقه شوربه كبار ثم نضع طبقه الارز الابيض وبعدين2معلقه الشوربه الكبار ونرشهم علي طبقه الارز ممكن يكونو 3 معلاق شوربه زي ماتحبي وبعدين حط الصلصه اللي بالخل اللي عملتي
  4. #نصيحه_للفته. لو معندكيش عيش ناشف ينفع للفته حتعملي الآتي :: حنجيب عيش الفرن العادي وحنمسح الرغيف وش وضهر بالزبده او سمنه ونحطه علي الشوايه في الفرن بس تكون العيش مش تحتويها اوي علشان ميتحرقش مش بياخد 2 دقيقه بس لازم مراقبه منك
عجبتك الوصفة؟
شوف كل وصفاتنا في مكان واحد
كل الوصفات →