→ كل الوصفات
طريقة عمل فته الشاورما السوري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو صدور دجاج (بانيه)
- 2 كوب رز بسمتي
- مياه مغليه
- عيش سوري مقطع
- ملعقة كركم
- ملعقة كاري
- ملعقة ملح
- ملعقة فلفل اسود
- حبهان
- ورق لورا
- شوربة دجاج أو مياه
- زيت
- معلقه ثوم مفروم
- بصله مفرومه
- فلفل ألوان
- طماطم
- 2 كوب زبادي
- معلقتين طحينه
- ليمونه
- معلقه خل
طريقة التحضير
- هنجيب طاسه ونحط معلقه زيت فيها و بعدين العيش السوري ويكون مقطع بالمقص ليكون قد بعض و نقلبه ليتحمص
- هنجيب حله تانيه و نحط فيها معلقه زبده أو زيت و عليه البصلة المفرومه ونحط الحبهان وورق اللورا و فلفل الأسود و نقلب ليكون لون البصله ذهبي ونحط الرز البسمتي و نقلبه تقلبتين و بعدين نحط شوربة الدجاج أو المياه ولو ماء هنحط عليها مكعب مرقة دجاج و بعدين الكركم و نتركه ليتشرب المايه ونهدي النار ونقفل عليه
- هنجيب طاسه وفيها معلقه زيت ونص ملعقة الثوم المفروم ونحط عليه الدجاج ونشوحها فيه شويه ونحط حبة الطماطم المقطعه والفلفل الألوان المقطع وورق لورا وحبهان وملح وفلفل وكاري ونقلبه لغاية ما يشرب المايه بتاعته ويستوي
- هنجيب بوله ونحط الزبادي والطحينه ونص المعلقة التاني بتاع الثوم المفروم وعصرة ليمون ومعلقة الخل ونقلبهم مع بعض
- التقديم: هنجيب طبق كبير ونحط فيه العيش المحمص وعليه معلقه من صوص الزبادي و الطحينه و نقلبه وبعدين نحط فوقه الرز وبعدين الشاورما وممكن نحط باقي الصوص من فوق أو على طبق جانبي وبالهنا والشفا ❤️❤️ وجربو الوصفة وقولولي رأيكم ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد