→ كل الوصفات
طريقة عمل فته الشاورما ❤️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 كيلو صدور فراخ, مقطعة
- ثمره فلفل,اخضر
- ثمره طماطم, بدون القلب
- واحده بصله, كبيره
- 1 بصله, مبشوره
- رشه بقدونس
- كوب ارز بسمتي
- كوب زبادي
- كوب ماء
- 2 معلقه زيت
- كيس خلطه كنور, للشاورما السوري
- ملعقة كاري
- ملعقة كركم
- معلقه بهارات فراخ
- معلقه صغيرة ملح
- نص ملعقة صغيرة فلفل اسود
- عود قرفة, خشب
- اتنين فص حبهان
- اتنين ورق لاورا
- للتقديم
- كيس عيش, سوري
- 2 كوب زيت, بحال القلي
- للتزيين
- رشه بقدونس
- ثوميه, جاهزه, هاينز
طريقة التحضير
- في بوله, انزل بالزبادي وعليه الملح والفلفل وخلطه كنور واقلبهم كويس. واضيف الفراخ واسيبها في التتبيله, مش اقل من ثلاث ساعات
- في طاسه ساخنه على النار, انزل بمعلقه زيت. وانزل بالفراخ, بعد ما اتبلت. وماقلبش فيها. اسيبها تأخذ صدمه عشان ماتنزلش مياه كتير. بعدين اقلب لحد ما لونها يبقى حلو كده
- انزل بالبصل متقطع شرايح والفلفل الاخضر وتستوي كويس. انزل قبل ما اقفل بالطماطميه ورشه البقدونس
- في حله على النار, انزل بمعلقه الزيت واحط ورق لورا والحبهان والكركم وعود القرفة في الزيت, عشان ينزل الطعم كله. وبعدين انزل بالبصله, تأخذ لون ذهبي فاتح خالص
- انزل بالارز مغسول ومتصفي كويس واقلب. وانزل بالكاري وبهارات الفراخ والملح والفلفل ومياه مغليه. واسيبه على النار يستوي على نار هاديه, بعد ما يغلي
- العيش, اجيب العيش الشامي الخفيف واقطعه بالمقص مكعبات. واحمره في زيت غزير, بعد ما ابهره بملح وفلفل. وممكن في الفرن, او الميكرويف, لو بتحبوه خفيف
- افرد العيش على جوانب السرفيس وعليه الارز وفوقيهم الشاورما ورشه بقدونس. وبالف هنا. اللي على الوجه ده ثوميه جاهزه بتاعت هاينز. ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد