→ كل الوصفات

فته اللحمة بالخل والثوم

طريقة عمل فته اللحمة بالخل والثوم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • قطع لحمة
  • حبه بصل
  • حبهان ومستكه
  • ملح وفلفل اسود حسب الرغبة
  • رشه سكر وماء مغلي
  • 1/2 ك ارز
  • ملعقة سمنه
  • معلقتين زيت
  • عصير طماطم
  • ملعقة صلصة
  • كزبرة ناشفه
  • ثوم مفروم
  • خل
  • عيش محمص
  1. لتجهيز اللحمة نشوح اللحمة مع بصله نصفين والفلفل الاسود وفص الحبهان والمستكه وبعدين نضيف المياه المغليه ورشه السكر ونهدي النار لغايه متستوي وبعدين نضبط الملح
  2. نغسل الارز نسخن السمنه والزيت ونشوح الارز تشويحه بسيطه وبعدين نحط الماء لكل كوب ارز كوب ماء ونظبط الملح ونهدي النار عليه
  3. لعمل الصلصة ملعقة زيت نشوح فيها الثوم وبعدين ملعقة الصلصة وعصير الطماطم وملح وفلفل اسود وكزبره ناشفه لغايه متتسبك
  4. لما اللحمة تستوي نحمرها ونضيف عليه رشه بسيطه من الملح والفلفل الاسود
  5. نكسر العيش بعدين على النار في طاسه نشوح الثوم المفروم مع ملعقة سمنه اوزيت ونطشها بالخل وننزل بالعيش ونحط كبشه شوربه
  6. ونفرد العيش في طبق التقديم وبعدين الارز والصلصة وقطع اللحمة وبالف هنا🌸
عجبتك الوصفة؟
شوف كل وصفاتنا في مكان واحد
كل الوصفات →