→ كل الوصفات
#الشيف_الذهبي
المقادير
- كوب أرز مصري
- 2 رغيف عيش بلدي بالرده
- م ك ثوم مفروم ناعم
- زيت... سمنه
- 1/2 ك طماطم
- 1/4 كوب خل ابيض
- ملح.. فلفل
- لحمه مسلوقه
طريقة التحضير
- نسلق اللحمه في ماء مغلي ونشيل الريم من عليها ونضيف بصله وطماطميه وفلفل اسود ونوطي عليها تستوي براحتها
- نقطع العيش مربعات صغيره ونقلب معاه معلقه سمنه ونحمره ف الفرن أو في طاسه على البوتاجاز
- نجهز الصلصه.. معلقه زبده أو سمنه ومعلقه زيت ونحمر الثوم للون الذهبي وننزل بالخل يسخن وننزل بعصير الطماطم وملح وفلفل ورشه كزبره ناشفه و1/2م ص سكر ونتركه تتسبك على نار هاديه
- الأرز.. في حله على النار نسخن معلقتين زيت ومعلقه سمنه ونقلب فيه الأرز يكوون مغسول ومتصفي نقلبه حوالي ٥ دقايق ونضيف الملح ورشه فلفل اسود بسيطه ونضيف كبشه شوربه ونزود الباقي ميه.. يغطي الأرز بعقله على نار عاليه لحد مايتشرب نهدي عليه لحين النضج
- نحضر بايركس أو صينيه أو طبق كبير نرص اول حاجه العيش وعليه ٣ أو ٤ معالق صلصه من اللي جهزناها ونقلبهم مع بعض ونضيف عليهم كبشتين شوربه ونقلبهم ونساويه ف البيركس ونضيف عليه الأرز وعلى الوش نضيف الصلصه ونحمر اللحمه في زبده ونرصها على الوش أو حسب الرغبه... وبالف هنا😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد