→ كل الوصفات

فته بالخل والثوم

#فريق_حورية

  • كيلو رز
  • عيش ناشف او بلدي
  • لحمة
  • شوربه
  • ملعقة كبيرة سمنه او زبده
  • شعيرية
  • ½ كيلو طماطم
  • 4 فصوص ثوم
  • ¼ كوب خل
  • ملح وفلفل اسود حسب الرغبة
  • كمون
  • معلقتين زيت
  • الدقه
  • خل
  • 2 فص ثوم
  • ملح وفلفل
  • كمون
  • ليمون
  • بصله
  1. نجيب حله كبيره ونحط فيها مياه ونرفعها على نار ونحط بصله وفلفل اسود وملح ونسيبها تغلى وبعد متغلى حنكون شطفنا لحمة ونحطها في مياه ونسيبها تسلق
  2. نجيب حله تانيه ونحط فيها زيت ونحمر شعيرية ولما تحمر شويه نحط رز ونقلبه وبعدين ملح ومياه ساخنه وقلبه تقليبه واحده واغطيه قرب تشريب اهدى نار خالص
  3. نجيب حله صغيرة ونحط فيها زيت ونحمر الثوم وننزل بطماطم وخل وملح وفلفل اسود وملح ونسيبها تغلى على نار عاليه وبعدين اهدى نار
  4. نجيب صينيه احط فيها سمنه او زبده وعيش متقطع واحمصه على نار او في الفرن ولكن في الفرن لازم نخلى بالنا لانه بيتحرق بسرعه
  5. نجيب حله صغيرة ونحط خل وثوم وملح وكمون وليمون ونرفعه يغلى لحد منشم ريحة الدقه
  6. بعد مخلصنا وكل حاجه استوت اجيب صينيه لحمصنا فيها العيش ونحط رز ودقه ورز ثاني ودقه وصلصه وفي تركه بحبها بحب احمر لحمة في شوية زيت صغننين واحطها على فته وبالهنا
عجبتك الوصفة؟
شوف كل وصفاتنا في مكان واحد
كل الوصفات →