→ كل الوصفات
طريقة عمل فته بالخل والثوم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 8 قطع لحمه او حسب الرغبه
- 2 رغيف عيش بلدي "بالرده"
- 2 كوب رز
- 6 حبات طماطم
- 2 ملعقه صلصه
- توم و خل حسب الرغبه
- ملح وفلفل
طريقة التحضير
- نسلق اللحمه مع بصل وحبهان ولورا ومستكه
- نقطع العيش ونضعه في طاسه هلي نار هاديه ونحطله معلقه سمنه وفصين توم مهروس وملح خفيف وكزبره ناشفه ونقلبهم لحد ما يبقي العيش متحمر ومقرمش ونطفي عليه
- نعمل رز ابيض بدون شعريه
- للصلصه : في حله نحط سمنه و3 فصوص توم مهروس ونقلبه لحد ما يبقي دهبي نحط عليهم 3 معلقه خل ونتركهم يغلوا ثم نضيف عصير الطماطم وصلصه الطماطم والملح والفلفل ونتركها حتى تستوي ويكون قوامها متوسط مش تقيل ومش خفيف
- في صينيه نضع العيش اللي جهزناه ونسقيه بشوربه ساخنه ونغطيه وفي طاسه نحط معلقه سمنه او زبده ونحمر فيها اللحمه
- بعد ما العيش يشرب الشوربه ويبقي طري نحط عليه شويه صلصه قليل ونحط الرز ونغطيه بالصلصه ونرص فوقها اللحمه المتحمره وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد